بۇل تۋرالى ورتالىق كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا قر قارجى مينيسترلىگى مەملەكەتتىك كىرىستەر كوميتەتى توراعاسىنىڭ ورىنباسارى عوسمان ءامرين حابارلادى.
سپيكەردىڭ ايتۋىنشا, 2017 جىلدىڭ 1 قازانىنان باستاپ كەدەندىك ترانزيت شەڭبەرىندە كەدەندىك جانە سالىقتىق اكىمشىلەندىرۋدىڭ اۆتوماتتاندىرىلعان جۇيەسى «استانا-1» اقپاراتتىق جۇەيسى ىسكە قوسىلدى.
«بۇل جۇيە الدىن الا اقپاراتتى بەرگەن ساتتەن باستاپ تاۋارلاردى شىعارعاننان كەيىنگى باقىلاۋعا دەيىن بارلىق كەدەندىك پروتسەستەرگە اۆتوماتتاندىرىلعان باقىلاۋدى جۇزەگە اسىرۋعا مۇمكىندىك بەرەدى. سونىمەن قاتار قۇجات اينالىمىن تەزدەتۋگە قولايلى جاعداي تۋعىزادى. بۇل جۇيە 2 جىلدىڭ ىشىندە دايىندالدى. اقپاراتتىق جۇيە ارقىلى ءبىز جۇمىس جىلدامدىعىن ارتتىرامىز جانە ايقىنداۋ دەڭگەيىن وسىرە الامىز», - دەدى عوسمان ءامرين.
ايتا كەتەتىن تاعى ءبىر جايت, «استانا-1» اج-نىڭ تولىق كولەمدە ىسكە اسىرىلۋى 2018 جىلدىڭ 1 قاڭتارىنان باستاپ ەۋرازەق جانە قازاقستان رەسپۋبليكاسى كودەكسىنىڭ كۇشىنە ەنۋىمەن قاتار ورىندالادى.