بۇگىن ۇكىمەت ۇيىندە قازاقستان رەسپۋبليكاسىنىڭ پرەمەر-ءمينيسترى باقىتجان ساعىنتاەۆتىڭ توراعالىعىمەن بەينەكونفەرەنتسيا رەجيمىندە قازاقستان رەسپۋبليكاسى پرەزيدەنتىنىڭ جانىنداعى «جاسىل ەكونوميكاعا» كوشۋ جونىندەگى كەڭەستىڭ كەزەكتەن تىس وتىرىسى ءوتتى, دەپ حابارلايدى قر ۇكىمەتىنىڭ ءباپاسوز قىزمەتى.
وتىرىس بارىسىندا تۇرمىستىق قاتتى قالدىقتاردى باسقارۋ ماسەلەلەرى تالقىلاندى. اعىمداعى جاعداي تۋرالى قر ەنەرگەتيكا ءمينيسترى ق. بوزىمباەۆ جانە اتىراۋ, الماتى, قوستاناي وبلىستارى مەن استانا, الماتى قالالارىنىڭ اكىمدەرى باياندادى.
سونداي-اق, «Kaz Waste» قازاقستاندىق قالدىقتاردى باسقارۋ جونىندەگى قاۋىمداستىقتىڭ اتقارۋشى ديرەكتورى ۆ. مۇستافينا, «جاسىل اكادەميا» عىلىمي-ءبىلىم بەرۋ ورتالىعىنىڭ ديرەكتورى ب. ەسەكينا, «وپەراتور روپ» جشس باس ديرەكتورى س. كوروتەنكو جانە ت. ب. ءسوز سويلەدى.