الەۋمەتتىك قىزمەتكەر – العىس ارقالايتىن اردا ماماندىق

Əر زايىرلى مەملەكەتتىڭ دامۋى حال­قىنىڭ ءومىر ءسۇرۋ دەڭگەيىنە بايلانىستى سارالانادى. بۇل ورايدا ەلى­مىز الەۋمەتتىك مىندەتىن ايقىنداعان جۇمىستار جۇرگىزىپ كەلەدى. ماسەلەن, استانا قالاسى اكىمدىگىنىڭ قاۋلىسىمەن قۇرىلعان «الەۋمەتتىك قىزمەت كورسەتۋ ورتالىعى» مكقك بىلتىرعى 1 ساۋىردەن باستاپ جەكە مەملەكەتتىك مەكەمە رەتىندە قىزمەتىن جۇيەلى اتقارۋدا. Əلەۋمەتتىك قىزمەت كورسەتۋ ورتالىعىنىڭ قۇرا­مىن­داعى 10 بولىمشەنىڭ بەسەۋى تاع­دىرى قيىن جاعدايعا دۋشار بولعان جان­دارعا (جالعىزباستى قارتتار مەن مۇگەدەكتەرگە) بارىنشا جاعداي جا­ساۋ­ باعىتىندا جۇمىس ىستەيدى.

بو­لىم­شەلەر تىركەۋدەگى 400 قىزمەت الۋ­شىعا ارقا سۇيەر دەمەۋشى بولىپ, كەي­بىرى وتباسىنىڭ ءبىر مۇشەسىندەي دارە­جەگە جەتسە, ەندى ءبىر قىزمەت الۋشىلار قالاۋى بويىنشا ورتالىق ماماندارىنىڭ كومەگىمەن گيدرو جانە فيزيو ەم-شارالارىن, ماسساج, ەمدىك دەنە شىنىقتىرۋ سياقتى كوپتەگەن وڭالتۋ شارالارىن قابىلداپ, دەرتىنە شيپا تابۋدا.

ورتالىقتىڭ əلەۋمەتتىك قىزمەت­كەرلەرى قىزمەت الۋشىلاردىڭ əرقايسى­سىمەن جەكەلەي قارىم-قاتىناس ورناتىپ, ولاردىڭ تالاپ-تىلەكتەرىن تىڭ­داپ, مەيلىنشە تولىققاندى ءومىر ءسۇ­رۋ سالتىن جەڭىلدەتۋگە كۇش سالۋدا. ولاردىڭ ىشىندە جالعىزباستى زەي­نەت­كەرلەر, سوعىس ارداگەرلەرى, سو­عىس ارداگەرلەرىنىڭ جەسىرلەرى, تىل ەڭ­بەك­كەرلەرى مەن تىڭ جانە تىڭايعان جەر­لەردى يگەرۋگە اتسالىسقان قارتتار دا بار. وسىنداي تاعدىرلارى توعىسقان قارت­تاردىڭ قۇلازىعان كوڭىل كۇيىن جادىراتىپ, ماعىناعا تولتىرۋ ماقساتىندا الەۋ­مەتتىك قىزمەت كورسەتۋ ورتالىعى مادەني شارالار ۇيىمداستىرۋعا دا اسا ءمان بەرەدى. مىسالى, قالالىق ساياباقتار, مۇراجايلار جانە قالانىڭ كورىكتى جەرلەرىنە, قالادان تىس بۋراباي دەمالىس اۋماعىنا ساياحاتتار, مەرەكەلەر­گە وراي ۇيىمداستىرىلاتىن كونتسەرتتەر, تسيرك جانە تاعى سول ءتارىزدى شارالار ورتا­لىق سالتىنا اينالىپ وتىر. اتاۋلى مەرەكەلەر – ناۋرىز مەيرامى, استانا كۇنى, جەڭىس كۇنى, قارتتار كۇنى, جاڭا جىل قارساڭىندا جانە ەكسپو-2017 كورمەسى اياسىندا ءار قىزمەت الۋشىنىڭ مەرەكەنى سەزىنۋى ءۇشىن ىلتيپاتپەن جەكە سىيلىقتار تابىستادى.

ەل بولىپ ەڭسە تۇزەگەننەن بەرى ەلىمىزدە قانشاما رەت الەمدىك دەڭگەيدەگى شارالار ءوتتى. وسى جىلدارداعى ەكسپو-2017 سياقتى حا­لىقارالىق كورمەگە استانا قالاسى بويىنشا الەۋمەتتىك قىزمەت كورسەتۋ ورتالىعىنىڭ قىزمەت الۋشىلارى دا­­ قاتىسىپ, تاڭعاجايىپ كورمەنىڭ كو­ڭىلدى كورەرمەندەرىنىڭ بىرىنە اينالدى. سونىمەن قاتار ورتالىقتا قىزمەت الۋ­شىلاردان قۇرالعان «نوستالگيا» ۆوكالدىق توبى جۇمىس اتقارۋدا. توپ­تىڭ كوركەمدىك جەتەكشىسى – جەكەن تەبەرەكوۆ. ونەرپازدارىمىز قالا دەڭ­گەيىندە ءوتىپ جاتقان مادەني ءىس-شارالارعا بەلسەنە اتسالىسادى.

الەۋمەتتىك قىزمەت كورسەتۋ ورتالى­عىنىڭ قازاقستان بويىنشا سىنامالى جوبا رەتىندە اشىلعان العاشقى مەكەمە ەكەنىن ەسكەرەر بولساق, وسىنداي جۇگى اۋىر كوشتى باستاپ جۇرگەن رىستى جاعىپارقىزى مەن «الەۋمەتتىك قىزمەتكەر» اتاعىن ابىرويمەن الىپ جۇرگەن, ءوز جۇمىسىنا شىن ىقىلاسپەن كىرىسەتىن الەۋمەتتىك قىزمەتكەرلەردىڭ ەڭبەگىن ەرەكشە اتاپ وتۋگە بولادى. ولار ءۇشىن وزگەنىڭ پروبلەماسى دەگەن تۇسىنىك جوق, قينالعان ادام كورسە قولۇشىن سوزىپ, كوپ سارالاپ جاتپاي قولىنان كەلگەن كومەگىن كورسەتەدى. الەۋمەتتىك قىزمەتكەرلەردىڭ وسى سالادا تۇراقتاپ قالۋى دا وسى قاسيەتتەرىندە. جالاقىسى ماردىمسىز بولا تۇرا, قىزمەت الۋ­شىنىڭ بابىن تابۋ ماقساتىندا قالتقىسىز قىزمەت ەتۋ دەنە كۇشىمەن بىرگە پسيحولوگيالىق تاباندىلىقتى دا قاجەت ەتەدى. بۇل جەردە ادامنىڭ ءدىنى, ءناسىلى, ۇلتى, جاسى, ءبىلىم دەڭگەيى نەمەسە قوعامداعى مارتەبەسى ماڭىزدى ەمەس. تەك قانا كەڭ جۇرەكتى, ادامي بەينەسى ايقىن, وزىنەن گورى وزگەلەرگە بولسىن دەيتىن ادامنىڭ عانا قولىنان كەلەرى انىق. اينالامىزدا وسىنداي مەيىرىمدى ادامداردىڭ كوپ بولعانى قانداي عانيبەت!

اينۇر دىلدەباەۆا,  ءى جانە ءىى توپتاعى مۇگەدەكتەرگە,  ەگدە جاسىنا بايلانىستى  وزىنە قىزمەت كورسەتۋگە  مۇمكىندىگى جوق ادامدارعا  الەۋمەتتىك كومەك كورسەتەتىن  №1 بولىمشەنىڭ مەڭگەرۋشىسى

استانا