ۇكىمەتتە مەملەكەتتىك ءبىلىم باعدارلاماسى قارالدى

ءمينيستردىڭ ايتۋىنشا, 2017 جىلى ءبىلىم بەرۋ مەن عىلىمدى دامىتۋدىڭ 2016–2019 جىلدارعا ارنالعان مەملەكەتتىك باعدارلاماسىنىڭ 8 ينديكاتورىن, 51 كورسەتكىشىن, 168 شاراسىن ورىنداۋ جوسپارلانعانىن ايتىپ بەردى.  

2017 جىلى بارلىعى ىسكە اسىرۋعا 418 562,9 ملن تەڭگە بولىنگەن. بعدمب ىسكە اسىرىپ باستاعان ۋاقىتتان بەرى 1 309 مەكتەپكە دەيىنگى مەكەمە اشىلىپ, 155 مەكتەپ سالىندى.

مەكتەپكە دەيىنگى ۇيىمداردىڭ ارنايى ءبىلىمى بار پەدقىزمەتكەرلەرىنىڭ ساپالى قۇرامى 1 500 پەداگوگقا ارتتى. جوعارى جانە ءبىرىنشى ساناتتى پەدقىزمەتكەرلەردىڭ سانى 145 مىڭ ادامدى قۇرايدى.

مەكتەپكە دەيىنگى جانە مەكتەپتە ءبىلى بەرۋ مازمۇنى ەىدۇ ستاندارتتارىنا سايكەس جاڭارتىلدى, كوللەدجدەر مەن جوو-لاردا حالىقارالىق ساراپشىلار مەن جۇمىس بەرۋشىلەردىڭ قاتىسۋىمەن ازىرلەنگەن 92 جاڭا باعدارلاما ەنگىزىلۋدە.

بالالاردى بالاباقشاعا ءبولۋ پروتسەسى پيلوتتىق رەجيمدە اۆتوماتتاندىرىلىپ جاتىر. 2018 جىلى جۇيەنى تۇتاستاي ەنگىزۋ كوزدەلىپ وتىر. بالاباقشا اشۋ ءراسىم جەڭىلدەتۋ ماقساتىندا جاڭا سانيتارلىق نورمالار مەن ەرەجەلەر قابىلداندى.

جىل سوڭىنا دەيىن ءۇش اۋىسىمدى جانە اپاتتى مەكتەپتەردىڭ ورنىنا 76 مەكتەپتى پايدالانۋعا بەرۋ جوسپاردا بار. 1 قىركۇيەكتە 52 مەكتەپ پايدالانۋعا بەرىلدى.  

318 كوللەدجدە «بارشاعا ارنالعان تەگىن كاسىپتىك-تەحنيكالىق ءبىلىم بەرۋ» جوباسى ىسكە اسىرىلىپ جاتىر. 421 كوللەدجدە 80 ماماندىقتىڭ 160 بىلىكتىلىگى بويىنشا 27 193 ستۋدەنت قامتۋ ارقىلى, 2 433 كاسىپورىننىڭ قاتىسۋىمەن قوسارلى ءبىلىم بەرۋ جۇيەسى ەنگىزىلۋدە.

جوو-لاردا باقىلاۋ كەڭەستەرى ارقىلى رەكتوردى تاڭداۋ تەتىگى ەنگىزىلگەن, كورپوراتيۆتىك حاتشىلار مەن ىشكى اۋديت قىزمەتتەرى قۇرىلۋدا. قازاقستاننىڭ سەگىز جوو-سى 2017 جىلى QS WUR الەمنىڭ ۇزدىك ۋنيۆەرسيتەتتەرىنىڭ رەيتينگىسىندە اتالىپ وتكەن.

«بيىل قىركۇيەك ايىندا يسلام ىنتىماقتاستىعى ۇيىمىنىڭ عىلىم جانە تەحنولوگيالار جونىندەگى ءبىرىنشى ءسامميتى اياسىندا عىلىم, تەحنولوگيالار جانە يننوۆاتسيالار بويىنشا يىۇ 2026 جىلعا دەيىنگى باعدارلاماسى ازىرلەنىپ, قابىلداندى», — دەدى ە. ساعاديەۆ.