قىزىلجار وڭىرىندە 3087,5 مىڭ گەكتار ەگىس القاپتان 5,6 ميلليون توننا استىق جينالىپ, قامباعا قۇيىلدى. كۇزگى جيىن-تەرىننىڭ بارىسى تۋرالى وبلىس اكىمىنىڭ ءبىرىنشى ورىنباسارى ايداربەك ساپاروۆ حابارلادى.
«جىل سايىن ەلىمىزدە جينالاتىن استىقتىڭ 30 پايىزى ءبىزدىڭ وبلىسىمىزعا تيەسىلى. ۇستىمىزدەگى جىلى ء وڭىر ديقاندارى 5,6 ميلليون توننادان استام استىق جينادى. وبلىس اگروقۇرىلىمدارى استىق وسىرۋدە وزىق تەحنولوگيالاردى, ونىڭ ىشىندە تەرەڭ قوپسىتۋ ءادىسىن قولدانۋدىڭ ارقاسىندا سوڭعى التى جىلدا ءبىرىنشى رەت ۇلكەن كورسەتكىشتەرگە قول جەتكىزدى. گەكتار بەرەكەلىگى ورتا ەسەپپەن 18,2 تسەنتنەردەن اينالدى», دەدى ايداربەك سەيپىل ۇلى.
جاڭا ءونىمدى قابىلداۋ جانە ساقتاۋ ءۇشىن وبلىستا ليتسەنزياسى بار 50 استىق قابىلداۋ كاسىپورنى دايىندالعان. ولاردىڭ جالپى سىيىمدىلىعى 3,4 ميلليون توننانى قۇرايدى. قالعان 3,2 ميلليون توننا استىق اگروقۇرىلىمداردىڭ قويمالارىندا ساقتالادى.
ا. ساپاروۆ جەرگىلىكتى شارۋالارعا مەملەكەت تاراپىنان زور قولداۋ كورسەتىلگەنىن تىلگە تيەك ەتتى. اۋىل شارۋاشىلىق سالاسىنا 44 ميلليارد تەڭەنىڭ دەمەۋقارجىسى كورسەتىلگەن.
قازىرگى ۋاقىتتا مايلى داقىلداردى جيناۋ جۇمىسى دا تولىق اياقتالدى.
ءومىر ەسقالي,
«ەگەمەن قازاقستان»
سولتۇستىك قازاقستان.