شقو-دا ينسۋلت ورتالىعى اشىلادى

بۇل تۋرالى وبلىس اكىمىنىڭ ءباسپاسوز قىزمەتى حابارلادى. ايماق باسشىسى دانيال احمەتوۆ اۋدانعا جاساعان جۇمىس ساپارىندا دەنساۋلىق ساقتاۋ باسقارماسى باسشىلىعىنا ماسەلەنى جان-جاقتى زەردەلەپ, ارنايى عيمارات ازىرلەۋدى تاپسىردى.

«ماسەلەن, كۇرشىم اۋدانىنداعى مارقاكول اۋىلى ورتالىقتان 140 شاقىرىم قاشىقتىقتا ورنالاسقان. بىراق, ول جەردەگى بوساندىرۋ ءبولىمى نە سەبەپتى جابىلعانى تۇسىنىكسىز. قايتا اشۋدى تاپسىرامىن. تۇرعىندارعا مۇنداي الىس جەرگە قاتىناۋ قولايسىز جانە ۇلگەرمەي قالۋلارى مۇمكىن. بۇل جاعداي ينسۋلت ورتالىعىنا دا قاتىستى. ول xالىققا قاجەت. مەيلى قۇنى 500-600 ميلليون بولسىن, ءبىز قارجى بولەمىز», - دەدى دانيال اxمەتوۆ.

ايماق باسشىسى سونداي-اق, زىريان قالالىق اۋرۋxانا نەگىزىندە اشىلاتىن ورتالىق بارلىق قاجەتتى زاماناۋي قۇرىلعىلارمەن تولىق جابدىقتالۋ قاجەتتىگىن ەرەكشە اتاپ ءوتتى.

ازامات قاسىم,

«ەگەمەن قازاقستان»

شىعىس قازاقستان وبلىسى