بۇل تۋرالى ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا «قازكونتەنت» اق باسقارما توراعاسى ەۆگەني كوچەتوۆ مالىمدەدى.
«100 esim.el.kz» سايتىنا 2000-نان استام قازاقستاندىق ءوز وقيعاسىن جىبەرگەن, سولاردىڭ ىشىنەن 302 ۇمىتكەر تاڭدالعانىمەن, ۇزدىكتەر حالىقتىڭ داۋىس بەرۋى ارقىلى انىقتالادى.
سپيكەردىڭ سوزىنشە داۋىس بەرۋگە ۇسىنىلعان 302 ۇمىتكەر پايدالانۋشىلارعا قولايلى بولۋ ءۇشىن ءوز قىزمەت سالالارى بويىنشا 6 بولىمگە ورنالاستىرىلعان.
«ولار مادەنيەت جانە ونەر – 32 ادام, قوعام – 83 ادام, بيزنەس – 51 ادام, مەديتسينا – 46 ادام, عىلىم – 47 ادام, سپورت – 43 ادام. ءبىز داۋىس بەرۋدى 18 قازان ياعني, سارسەنبى كۇنى باستايمىز. جانە حالىقتى بۇقارالىق اقپارات قۇرالدارى ارقىلى, الەۋمەتتىك جەلىلەر ارقىلى كىم قانشا داۋىس جيناعانىن اشىق تۇردە اقپاراتتاندىرىپ وتىرامىز. داۋىس بەرۋدىڭ قايتالانباۋى ءۇشىن سايتقا تىركەلۋ قاراستىرىلعان. ونى بىرنەشە تاسىلمەن جۇزەگە اسىرۋعا بولادى. ءبىرىنشى ءتاسىل – ەلەكتروندى پوشتا ارقىلى تىركەلۋ. ول ءۇشىن «لوگين» باعانىنا ءوز ەلەكتروندى پوشتاڭىزدىڭ مەكەنجايىن ەنگىزۋ قاجەت, وسىدان كەيىن پايدالانۋشى ءوزىنىڭ ە-مايلى ارقىلى سايتقا تىركەلگەندىگى تۋرالى ەسكەرتۋ حات الادى, ءارى قاراي اۆتوريزاتسيا جاسايدى جانە داۋىس بەرۋگە كىرىسەدى. ەكىنشى ءتاسىل – الەۋمەتتىك جەلىلەردەگى اككاۋنتتار ارقىلى اۆتوريزاتسيا جاساۋ. پايدالانۋشىلارعا قولايلى بولۋ ءۇشىن بولىمدەردىڭ ىشىندە قاتىسۋشىلار الفاۆيت تارتىبىندە ورنالاستىرىلعان. بۇل رەتتە, ەگەر سۋرەتتى باسسا, وندا جاڭا قوسىمشا پاراقتا ونىڭ «تابىسقا جەتۋ تاريحى» اشىلادى. پايدالانۋشى ءوزى داۋىس بەرگىسى كەلگەن ۇمىتكەردى تاڭداۋ كەزىندە سايكەستى باتىرمانى باسۋ قاجەت, وسىدان كەيىن سايت ء«سىزدىڭ داۋىسىڭىز قابىلداندى» دەگەن ەسكەرتۋ بەرەدى. الايدا, پايدالانۋشىنىڭ ءار بولىمنەن ەڭ كوپ دەگەندە 3 ۇمىتكەرگە داۋىس بەرۋ مۇمكىندىگى بار, ءبىر ۇمىتكەرگە تەك 1 رەت قانا داۋىس بەرىلەدى. قايتا داۋىس بەرۋ مۇمكىن ەمەس», دەپ اتاپ ءوتتى «قازكونتەنت» اق باسقارما توراعاسى ەۆگەني كوچەتوۆ.
ايتا كەتەتىن تاعى ءبىر جايت, «قازاقستاننىڭ 100 جاڭا ەسىمى» جوباسىنا داۋىس بەرۋ 10 قاراشا كۇنى اياقتالادى.