24 قازاندا اقىلى اۆتوموبيل جولىدارعا تولەماقىنىڭ وڭتايلى ءتاريفىن تاڭداۋ ءۇشىن قوعامدىق تىڭداۋ وتكىزىلەدى, دەپ حابارلايدى «قازاۆتوجول» ۇك» اق.
ۇلتتىق جول كومپانياسى «نۇرلى جول» ينفراقۇرىلىمدى دامىتۋدىڭ مەملەكەتتىك باعدارلاماسى شەڭبەرىندە رەسپۋبليكالىق ماڭىزى بار اقىلى اۆتوموبيل جولى جەلىسىن دامىتۋدى جالعاستىرۋدا.
اقىلى جولعا اقىنىڭ وڭتايلى ءتاريفىن انىقتاۋ ماقساتىندا «قازاۆتوجول» دۇنيەجۇزىلىك بانكپەن بىرلەسىپ, قوعامدىق تىڭداۋ وتكىزەدى. تىڭداۋ بارىسىندا اۆتوكولىكتەردىڭ ەكولوگيالىق قالدىقتارىنىڭ اسەرى, الەۋمەتتىك فاكتورلار جانە تاعى باسقا ماسەلەلەر قارالادى.
ايتا كەتەرلىگى, قوعامدىق تىڭداۋ 24 قازاندا ساعات 15.00-دە استاناداعى «يزۋمرۋدنىي كۆارتال» اكىمشىلىك عيماراتىنىڭ «تۇركىستان» كونفەرەنتس-زالىندا وتكىزىلەدى.