نازارباەۆ ۋنيۆەرسيتەتىنىڭ سپورتتىق كەشەنىندە «استانا» باسكەتبول كلۋبىنىڭ قۇرامى جاڭا ماۋسىم الدىندا رەسمي تۇردە تانىستىرىلدى.
كلۋبتىڭ باسشىلىعى بۇرىن بىرنەشە جاڭا ويىنشىلارمەن كەلىسىمشارت جاساسقان بولاتىن, سونداي-اق, قازاقستاندىق سپورتشىلاردىڭ باسىم بولىگىمەن بىرلەستىگىن سوزدى. وسىلايشا, «استانانىڭ» نامىسىن 2017/2018 ماۋسىمىندا قازاقستاندىق رۋستام ەرعالي, رۋستام مۇرزاعاليەۆ, انتون پونومارەۆ, الەكساندر جيگۋلين, دميتري گاۆريلوۆ, ماكسيم مارچۋك, دەنيس دەگتيارەۆ, ۆاديم ششەرباك, اناتولي كولەسنيكوۆ, جانە لەگيونەرلەر دجاستين كارتەر, لارري گوردون, يكە ۋدانو, حوردۋرا ۆيلحالمسونا, ەنتوني كلەممونس جانە لەونيداس كاسەلاكيس سەكىلدى سپورتشىلار نامىسىن قورعايدى.
كلۋبتىڭ جاتتىقتىرۋشى شتابى دا جاڭارتىلدى. «استانا» باسكەتبولىنىڭ باسشىلىعى كوماندانىڭ جاڭا باس باپكەرى ەتىپ گرەكيالىق كوستاس فلەۆاراكيستى تاعايىندادى, ال ونىڭ تالىمگەر جاتتىقتىرۋشىلارى رەتىندە كوستاس پاپازوگلۋ, كوستاس ماسۋراس جانە ميحايل كارپەنكو تانىستىرىلدى.
ءىس -شارادا باسكەتبول كلۋبىنىڭ جاڭا ويىن فورماسى جانە اتريبۋتيكاسى كورسەتىلدى. بۇدان بولەك, «استانانىڭ» كاسىبي باسكەتبولشىلارى ءوزىنىڭ بالالار باسكەتبول اكادەمياسىنداعى جاستارى ءۇشىن شەبەرلىك سىنىبىن وتكىزدى.
«استانانىڭ» سپورتشىلارى ءۇشىن جاڭا باسكەتبول ماۋسىمى شىن مانىندە قىركۇيەكتىڭ ورتاسىندا باستالعانىن اتاپ ايتۋ كەرەك. كوماندا «ازياتتىق چەمپيوندار كۋبوگى-2017» ءىرى كونتينەنتالدى قىتايدىڭ (حۋنان پروۆينتسياسى) چەنچجوۋ قالاسىندا 22-30 قىركۇيەك ارالىعىندا وتكەن باسكەتبول چەمپيوناتىنا قاتىستى.
قىتايداعى جارىستىڭ قارساڭىندا كوماندا ليتۆادا وقۋ-جاتتىعۋ جيىنىن جۇرگىزدى. سونىڭ بارىسىندا سپورتشىلار ليتۆالىق كوماندالارمەن التى جولداستىق ماتچ وتكىزدى.
«بيىل باسكەتبول كومانداسىندا كوپ جاڭارتىلۋلار بولدى. سىزدەر كورگەندەي, ءبىز بىرنەشە شەتەل ويىنشىلارىن قاتارىمىزعا قوستىق. بۇل كلۋبقا كوپ شىعىن كەلتىرمەدى. بىراق ءوزىنىڭ تيىمدىلىگىن وتكەن اپتادا اياقتالعان, ازيادا چەمپيونى كۋبوگىندا كورسەتتى. «استانا» باس ازيادا چەمپيوناتىندا ءۇشىنشى ورىن الدى. قازىر بالالار جاقسى قارقىندا باستادى. ءدال وسىلاي ماۋسىم سوڭىنا دەيىن وتكىزەدى دەپ كۇتەمىز. ءبىزدىڭ سپورتشىلارىمىز تاعى دا كلۋبتىڭ بيۋدجەتىن قىسقارعانىنا قاراماستان, جاقسى سپورتتىق ناتيجەلەردى كورسەتۋگە بولاتىندىعىن دالەلدەدى. «استانا» باسكەتبولشىلارى – بۇل قازاقستان ۇلتتىق ليگاسىنىڭ چەمپيونى, قازاقستان كۋبوگىنىڭ بەس مارتە يەگەرى. قازاقستانداعى كاسىبي باسكەتبولدىڭ دامۋىن باقىلاي وتىرىپ, ءبىز بولاشاقتا كوماندانى كۇشەيتۋ ءۇشىن كادرلىق سپورتتىق رەزەرۆتى دايىنداۋدىڭ قاجەت ەكەندىگىن تۇسىنەمىز. بىلەتىندەرىڭىزدەي, وسى جىلدىڭ باسىندا بالالار باسكەتبول اكادەمياسىن اشتىق. قازىر وندا 200-دەي بالالار وقىپ جاتىر. ساباقتارى ء ۇشىن نازارباەۆ ۋنيۆەرسيتەتىنىڭ ەكى زالى جانە «استانا» حالىقارالىق مەكتەبى جابدىقتالعان. ول جەردە باسكەتبولدى كاسىبي وقىتۋدىڭ بارلىق جاعدايلارى جاسالعان, – دەدى «استانا» پرەزيدەنتتىك كلۋبىنىڭ قامقورلىق كەڭەسىنىڭ توراعاسى, سەنات دەپۋتاتى دارحان كالەتاەۆ.