قازاقستان پرەزيدەنتى ماسكەۋ مەملەكەتتىك حالىقارالىق قاتىناستار ينستيتۋتىنىڭ تۇلەكتەرىمەن كەزدەستى, دەپ حابارلادى akorda.kz.
كەزدەسۋگە پارلامەنت سەناتىنىڭ توراعاسى ق.توقاەۆ, رەسەي فەدەراتسياسىنىڭ سىرتقى ىستەر ءمينيسترى س.لاۆروۆ, ماسكەۋ مەملەكەتتىك حالىقارالىق قاتىناستار ينستيتۋتىنىڭ رەكتورى ا.توركۋنوۆ, ERG كومپانياسى ديرەكتورلار كەڭەسىنىڭ مۇشەسى پ.شوديەۆ, قازاقستاننىڭ سىرتقى ىستەر ءمينيسترى ق.ءابدىراحمانوۆ قاتىستى.
اڭگىمە بارىسىندا نۇرسۇلتان نازارباەۆ ماسكەۋ مەملەكەتتىك حالىقارالىق قاتىناستار ينستيتۋتىنىڭ مارتەبەسى ەرەكشە ەكەنىن ايتىپ, ونىڭ ديپلوماتتار مەن سىرتقى ساياسات ۆەدومستۆولارى قىزمەتكەرلەرىنىڭ اراسىنداعى بەدەلى جوعارى ەكەنىن اتاپ ءوتتى.
– ماسكەۋ مەملەكەتتىك حالىقارالىق قاتىناستار ينستيتۋتى ۇنەمى كوپشىلىك ءبىلىم الۋعا ۇمتىلاتىن ايرىقشا وقۋ ورنى بولدى. جاستارىمىز قازىر دە سوندا وقىعاندى قالايدى. ءبىز ماسكەۋ مەملەكەتتىك حالىقارالىق قاتىناستار ينستيتۋتىمەن جانە استانادا فيليالى بار ماسكەۋ مەملەكەتتىك ۋنيۆەرسيتەتىمەن ءتيىمدى بايلانىستار ورناتتىق, – دەدى مەملەكەت باسشىسى.
قازاقستان پرەزيدەنتى مەملەكەتارالىق ديالوگتى نىعايتۋ ماسەلەسىنە توقتالىپ, ديپلوماتيالىق كادرلاردى ەۋرازيالىق ەكونوميكالىق وداقتىڭ جۇمىسىنا تارتۋ قاجەتتىگىن ايتتى.
كەزدەسۋگە قاتىسۋشىلار استانادا ءوتىپ جاتقان ماسكەۋ مەملەكەتتىك حالىقارالىق قاتىناستار ينستيتۋتى تۇلەكتەرىنىڭ IV حالىقارالىق فورۋمىنىڭ اۋقىمدىلىعى مەن ونىڭ ەلدەرىمىز اراسىنداعى ديپلوماتيالىق بايلانىستاردى كۇشەيتۋدەگى ءرولىن اتاپ ءوتتى.