رۋمىنيا قۇراماسىنىڭ باس جاتتىقتىرۋشىسى كوسمين كونترا 2018 جىلعى الەم چەمپيوناتىنا ىرىكتەۋ كەزەڭى اياسىنداعى رۋمىنيا-قازاقستان ماتچى الدىندا جۋرنالستەردىڭ سۇراقتارىنا جاۋاپ بەردى.
– ەرتەڭ رۋمىنيا باپكەرى رەتىندە تۇڭعىش ماتچىمدى قازاقستان قۇراماسىنا قارسى وتكىزەمىن. بۇل مەن ءۇشىن ماڭىزدى ويىن بولماق. سونداي-اق ماتچ پلوەشتي قالاسىندا وتەتىنى جاقسى بولدى. ويتكەنى, جەرگىلىكتى كوماندامەن رۋمىنيا كۋبوگىن جەڭىپ العانمىن. ەرتەڭ دە اتالعان قالاداعى جەڭىسىمدى جالعاستىرعىم كەلەدى.
– قازاقستان قۇراماسىنىڭ فۋتبولشىلارى تۋرالى نە ايتا الاسىز؟
قازاقستان وتە جاقسى قۇراما. فيزيكالىق تۇرعىدا بىرنەشە مىقتى فۋتبولشىلارىڭىز بار. ەرتەڭگى ويىندا فۋتبولشىلارىڭىز بىزگە ءبىراز قيىندىق تۋدىراتىنى انىق. ءبىز بارىنشا جوعارى دارەجەدە ويناپ, ويىندى ءوز باقىلاۋىمىزعا الۋعا تىرىسامىز. ەگەر, ەرتەڭگى ماتچتا جوسپارمىزدى جۇزەگە اسىرا الماساق, ءوندا بىز ءۇشىن توسىن سىي بولماق.
– استانادا رۋمىنيا قۇراماسى قازاقستانمەن تەڭ ويناعان بولاتىن. قۇرامالارىڭىزدىڭ جەڭىسكە جەتۋىنە نە كەدەرگى بولدى؟
– بىلتىرعى ويىن ءبىز ءۇشىن وتە قيىن بولدى. قۇراما ول ويىنعا تولىق دايىن بولعان جوق ەدى. تاعى ءبىر ايتا كەتەرلىگى, استاناداعى ويىنعا جاساندى ستاديوننىڭ دا كەرى اسەرى بولدى. سونداي-اق قازاقستان قۇراماسى وتە جاقسى ويناعانىن ايتا كەتكەن ءجون. بۇگىن ويىندا ءبىزدىڭ قۇراما جەڭىسكە جەتەدى دەپ ويلايمىن.
– الداعى ويىنعا قازاقستان قۇراماسى ساپىندا بىرنەشە ۇزدىك فۋتبولشىلارى قاتىسا المايدى. بۇل تۋرالى نە ايتاسىز؟
– ۇلتتىق قۇراماداعى ءاربىر ويىنشى ماڭىزدى. دەگەنمەندە, سىزدەردە ول فۋتبولشىلاردىڭ ورنىن اۋىستىرا الاتىن تاجىريبەلى ويىنشىلارىڭىز بار.
ەسكە سالا كەتەيىك, ۇلتتىق قۇراما فۋتبولشىلارى 5 قازاندا فۋتبولدان 2018 جىلعى الەم چەمپيوناتى اسىندا سىرت الاڭدا رۋمىنيا قۇراماسىنا قارسى ويىن وتكىزەدى.
ءالي بيتورە,
«ەگەمەن قازاقستان» –
بۋحارەستتەن
سۋرەت اۆتورى - ءىلياس وماروۆ