بۇگىن پرەمەر-مينيستر باقىتجان ساعىنتاەۆتىڭ توراعالىعىمەن وتكەن ۇكىمەت وتىرىسىندا 2017 جىلدىڭ 9 ايىنداعى ينفلياتسيا دەڭگەيى جانە ونى اعىمداعى جىلدىڭ سوڭىنا دەيىن ۇستاپ تۇرۋ شارالارى تۋرالى مالىمەتتەر قارالدى. بۇل تۋرالى primeminister.kz حابارلادى.
ۇلتتىق ەكونوميكا ءمينيسترى تيمۋر سۇلەيمەنوۆ جىل باسىنان بەرى رەسپۋبليكادا ينفلياتسيالىق ۇدەرىستەردىڭ باياۋلاعانى بايقالعانىن باياندادى. بيىل قىركۇيەك ايىندا ينفلياتسيا 0,3%, ال جالپى جىلدىڭ باسىنان بەرى — 4,2% قۇرادى. باياۋلاۋدىڭ نەگىزگى فاكتورلارى ۆاليۋتالىق نارىقتاعى جاعدايدىڭ تۇراقتانۋى, نارىقتىڭ بىرقالىپتى ينفلياتسيالىق بولجالدارى, سونداي-اق ازىق-ت ۇلىك تاۋارلارىنىڭ نەگىزگى تۇرلەرى بويىنشا ونىمدەر شىعارۋدىڭ ءوسۋى بولدى. وسىلايشا, ازىق-ت ۇلىك تاۋارلارىنىڭ باعالارى سوڭعى ءۇش اي قاتارىنان تومەندەۋدە. وعان قوسا, باعالار مەن اقىلى قىزمەت كورسەتۋلەرگە تاريفتەر بىرقالىپتى قارقىنمەن وسۋدە.
ازىق-ت ۇلىك تاۋارلارى باعالارىنىڭ ماۋسىمدىق تومەندەۋىنە قاراماستان بيىلعى جىلدىڭ باسىنان باستاپ پياز, ءسابىز, قىزىلشا, قوي ەتى جانە سيىر ەتى باعالارىنىڭ قوس تاڭبالى ءوسىمى بايقالعان. سونىمەن قاتار, جۇمىرتقا, قاراقۇمىق, قىرىققابات, قانت جانە كۇنباعىس مايى باعاسىنىڭ ەكى تاڭبالى ارزانداۋى تىركەلگەن. ازىق-ت ۇلىكتىك ەمەس تاۋارلار بويىنشا باعالاردىڭ ەڭ كوپ ءوسىمى ديزەل وتىنىنا, بەنزينگە, سۇيىلتىلعان گازعا, ماتالارعا, كەڭسە تاۋارلارىنا, اياق كيىم مەن قاتتى وتىنعا قاتىستى بولىپ وتىر.
اتالعان تاۋەكەلدەردىڭ ورنىن تولتىرۋ ءۇشىن ۇكىمەت الەۋمەتتىك ماڭىزى بار ازىق-ت ۇلىك تاۋارلارىنا جانە قىزمەت كورسەتۋلەرگە باعالار مەن تاريفتەردىڭ نەگىزسىز وسۋىنە جول بەرمەۋ شارالارىن قولداندى.
وسىعان بايلانىستى وڭىرلەردىڭ اكىمدەرىنە اشم-مەن بىرگە وڭىرلىك تۇراقتاندىرۋ قورلارىندا نەگىزگى ازىق-ت ۇلىك تاۋالارىنىڭ جەتكىلىكتى قورىن قامتاماسىز ەتۋ قاجەت. سونداي-اق, كۇن سايىن باعالارعا مونيتورينگ جاساۋ جانە نارىقتا قاجەتتى الەۋمەتتىك ماڭىزى بار ازىق-ت ۇلىك تاۋارلارىنىڭ جەتىسپەۋشىلىگى مەن مولىعۋىنا جول بەرمەۋ ءۇشىن تۇراقتاندىرۋ قورلارىنىڭ رەسۋرستارىن ءتيىمدى پايدالانۋ كەرەك.
ەنەرگەتيكا مينيسترلىگىنە وڭىرلەردىڭ اكىمدەرىمەن بىرگە جىلۋ بەرۋ ماۋسىمىندا جانار-جاعارماي ماتەريالدارىنا باعالاردىڭ نەگىزسىز وسۋىنە جول بەرمەۋ ءۇشىن سايكەس جۇمىس جۇرگىزۋ قاجەت.
جوعارىدا اتالعان الدىن الۋ شارالارىن ەسكەرگەندە 2017 جىلدىڭ قورىتىندىسى بويىنشا ينفلياتسيا دەڭگەيى 6,9-7,5% اۋقىمىندا بولادى دەپ كۇتىلۋدە, بۇل جوسپارلانعان دەڭگەيگە سايكەس كەلەدى.