بۇگىن گەننادي گولوۆكين مەن ساۋل الۆارەستىڭ كوماندالارى رەۆانشتى وتكىزۋ بويىنشا كەلىسسوزدەردى باستاۋدى جوسپارلاپ وتىر.
«Golden Boy» پروموۋتەرلىك كومپانياسىنىڭ باسشىسى ەريك گومەس كەلىسسوزدەرگە ارنالعان العاشقى كەزدەسۋ اقش-تىڭ لوس-انجەلەس قالاسىندا وتەتىنىن ايتتى. «ەڭ باستىسى, ەكى بوكسشى دا قارىمتا جەكپە-جەكتى قالاپ وتىر.
«مەكسيكانىڭ «سينكو دە مايو» مەيرامىنا ارنالعان دەمالىستار (5 مامىر, سەنبى) ەڭ ىڭعايلى ۋاقىت بولاتىن سياقتى. بىزگە اتالعان داتا ۇناپ تۇر. سەبەبى ول ۇلكەن بوكس كەشىن ۇيىمداستىرۋعا قولايلى. باسقا سپورتتىق شارالارعا دا كەدەرگى جاساپ وتىرعان جوق. ەندى, ول كەزدە ادەتتەگىدەي كەنتۋككيدەگى ات جارىسى بولادى. الايدا ودان باسقا ۋنيۆەرسيەتتەر اراسىنداعى فۋتبول دا, ۇلتتىق فۋتبول ليگاسىنىڭ ويىندارى دا وتپەيدى. بەيسبول ساۋىردە باستالادى», دەدى گومەس The Ring جۋرنالىنا بەرگەن سۇxباتىندا.
ايتا كەتەيىك, بۇعان دەيىن GGG-ءدىڭ پروموۋتەرى توم لەففلەر دە ارالىق جەكپە-جەكتەرگە قاراعاندا, ساۋل الۆارەسپەن رەۆانش وتكىزۋگە باسىمدىق بەرىپ جاتقانىن جەتكىزگەن. بۇل كەزدەسۋدى GGG-ءدىڭ ءوزى دە قالاپ وتىر.