جەتىسۋدىڭ التىنى

ءوڭىر جەر استى بايلىقتا­رى­نان كەندە ەمەس. ماسەلەن, وبلىس اۋماعىندا جانعىش جانە پوليمەتالل كەندەرىنىڭ قورى بار­شىلىق. ال, جەتىسۋ الاتاۋىندا تەنتەك (كوكسۋ), تەكەلى, سۋىق­تو­بە جوتاسىنىڭ وڭتۇستىك باۋ­رايىندا اتالعان كەن كوزدەرى كەزدەسەدى. ىلە اتىرابىندا مارگانەتس كەنى بارلانعان. سارىوزەك كەنتىنەن سولتۇستىككە قاراي بىجى وزەنىنىڭ جاعالاۋىندا مىس كەنى بار. سيرەك كەزدەسەتىن مەتالدار, ونىڭ ىشىندە, التىن قورى ءوڭىر اۋماعىنداعى ارقارلى, شاعان تاۋىنىڭ ەتەگىندە شوعىرلانعانى بارلانىپ, پايدالانۋ جايى شەشىمىن تاپقانىن ايتۋعا بولادى. وسى ورايدا اياق استىنان قۋا­نىپ, مارە-سارە بولعان بالاعا ءۇل­كەندەر «نە بولدى, التىن تاۋىپ الدىڭ با؟» دەيتىنىن سان مارتە ەستىپ وستىك. التىن تاپقان بالا جوق. دەسەك تە, جەتىسۋ جەرىنىڭ قويناۋى قازبا بايلىققا تۇنىپ, جەتى قات جەر استىندا باعالى ساف التىننىڭ قورىن  يگەرۋ جۇ­مىستارى قولعا الىنىپ, زەرتتەۋ جۇمىستارى ناتيجەسىندە كوكسۋ اۋدانىنداعى «دالاباي» كەنى بيىل ىسكە قوسىلىپ, التىن قازۋ­مەن اۆستراليالىق «Central Asia Resources» كومپانياسى اينا­لىسىپ وتىر. ولار 140 مىڭ كۇ­مىس, 20 مىڭ ترويا ۋنتسيا التىنىن شىعارۋدى جوسپارلاعان. ازىرگە كەن ۋاتۋ كەشەنى مەن كەن بايىتۋ فابريكاسىنىڭ قۇرىلىسى قاتار جۇرگىزىلۋدە. ايماقتان باعالى مەتالل الۋ­دى كوزدەگەن «Central Asia Resou­rces» كومپانياسى كەن ورنىن ءوڭ­دەۋگە 15 ملن. دوللار جۇمساعان. ۇگىتۋ كەشەنىنىڭ قۇرىلىسى توق­تاۋ­سىز جۇرسە, ازىرگە ۇيمەلەۋ الا­ڭى عانا دايىن, دەيدى ماماندار. كەن ۇگىتۋ كەشەنىنىڭ جۇمىسى تولىقتاي اياقتالىپ, الاڭعا ۋا­تىلعان كەن توگىلۋدە. سىلتىلىك اسەر ارقىلى ودان التىن مەن كۇ­مىس اجى­راتىلادى. جالپى, مۇندا 2 ملن. توننا كەن وڭدەۋ كوزدەل­گەن. ورتا ەسەپپەن تونناسىنان 1,6 گرامم التىن الىنادى دەپ كۇتىلۋدە. بۇگىنگى كۇنى سۇيىق التىندى مەتاللعا اينالدىراتىن زاۋىت سا­لىنسا, ونى ىسكە قوسۋ قازان ايىنا جوسپارلانعان. سوندىقتان ال­عاشقى التىن وسى ايدا قولعا تيەدى. جالپى, كەن قازۋ جۇمىس­تارى 2,5 جىل كولەمىندە ءجۇر­گىزىلمەكشى. قازىرگى كەزدە كەن ورنىندا 75-تەي ادام جۇمىس ىستەپ جاتىر. كەيىن جۇمىس تولىق باستالعاندا 145 ادام جۇمىسپەن قامتىل­ماق­شى. جۇمىسشىلار كوكسۋ, سا­رىوزەك, تالدىقورعان قالاسىنىڭ تۇرعىندارى. «دالابايدان» وندىرىلگەن قۇرامىندا 60 پايىز التىن, 40 پايىز كۇمىس بار باعالى مەتالدار شۆەيتسارياعا تاسىمالدانا­دى. وندا ول قالىپتارعا قۇيى­لىپ, الەمدىك رىنوكقا جول تار­تا­دى دەپ كۇتىلۋدە. جەتىسۋدىڭ التىنى ەل بايلىعىنا اساتىن كەز كەلگەنى قۋانىشتى. كۇمىسجان بايجان, الماتى وبلىسى.