22-23 قىركۇيەك كۇندەرى بەسقاراعاي اۋدانىندا وسى ءوڭىردىڭ تۋماسى, كسرو جازۋشىلار وداعىنىڭ مۇشەسى, حالىق اراسىنا كەڭ تاراعان «ەر تولەگەن», «قاندى جورىق» داستاندارىنىڭ اۆتورى, بەلگىلى ايتىسكەر اقىن, كەزىندە يسا بايزاقوۆ, نارتاي بەكەجانوۆ, تولەۋ كوبدىكوۆ سىندى دۇلدۇلدەرمەن ءسوز قاعىستىرعان نۇرلىبەك بايمۇراتوۆتىڭ 130 جىلدىق مەرەيتويى كەڭ كولەمدە اتالىپ وتەدى.
ەكى كۇنگە سوزىلاتىن مەرەيتويلىق شارالار 22 قىركۇيەك كۇنى بەسقاراعاي اۋىلىندا اقىندار ايتىسىنان باستالادى.
«اقىن مەرەيتويىنا ارنالعان نەگىزگى شارالار 23 قىركۇيەك كۇنى وتەدى. بۇل كۇنى قاراعايلى اۋىلىندا ايتىسكەردىڭ كەۋدە ءمۇسىنى اشىلىپ, ء«وز ءداۋىرىنىڭ ءۇنى بولعان اقىن» اتتى عىلىمي-تاجىريبەلىك كونفەرەنتسيا, قولونەر شەبەرلەرىنىڭ كورمەسى, ات جارىسى, وزگە دە سپورتتىق-تانىمدىق ءىس-شارالار ۇيىمداستىرىلادى. سونىمەن قاتار «نۇرلىبەك بايمۇراتوۆ» اتتى دەرەكتى ءفيلمنىڭ كورسەتىلىمى بولادى», - دەيدى بەسقاراعاي اۋداندىق ىشكى ساياسات, مادەنيەت جانە تىلدەردى دامىتۋ ءبولىمى باسشىسىنىڭ مىندەتىن اتقارۋشى اسەمگۇل قالتاەۆا.
ازامات قاسىم,
«ەگەمەن قازاقستان»
شىعىس قازاقستان وبلىسى, بەسقاراعاي اۋدانى