اشعابادتا ءوتىپ جاتقان ازيا ويىندارىنىڭ كورىگى قىزا ءتۇستى

ءۇشىنشى جارىس كۇنىندە سپورتشىلار التى سپورت تۇرى­نەن مەدالداردى ساراپقا سالدى. ولار – جەڭىل اتلەتيكا, دجيۋ-دجيتسۋ, تاەكۆوندو, ۆەلوسپورت, تۇرىكمەنستاننىڭ ۇلت­تىق كۇرەسى جانە اۋىر اتلەتيكا. 

جارىس الاڭىنا ءبىرىنشى تاەكۆوندوشىلار شىقتى. جارتىلاي فينالعا دەيىن قارسىلاستارىن وڭاي جەڭىپ كەلگەن 54 كيلوداعى سپورتشىمىز ايتۋار شاكەنوۆ فينالعا جولداما بەرەر سايىس­تا تاجىكستاندىق تاەكۆوندوشى مانۋچەحر نەماتوۆتان جەڭىلىپ, قولا مەدالدى قاناعات تۇتتى. ال فينالعا شىققان قايرات سارىمساقوۆ (74 كگ) التىن جۇل­دە ءۇشىن وتكەن كەزدەسۋدە يران­­دىق مەحدي جالاليگە 1:5 ۇپايىمەن ەسە جىبەرىپ, كۇمىسپەن كۇپتەلدى. سارىمساقوۆ 2014 جى­لى ينچحوندا وتكەن جازعى ازيا ويىندارىندا قولا جۇلدە يەلەنگەن بولاتىن.

قۇراما قورجىنىنا ءۇشىن­شى مەدالدى جەڭىل اتلەت اناستاسيا ۆينوگرادوۆا سالدى. ول كەدەرگىلەر ارقىلى 60 مەترگە جۇگىرۋدەن 8.59 سەكۋند كور­سەتكىشىمەن مارەگە ءۇشىنشى كەلىپ, جابىق عيماراتتاعى جانە جاۋىنگەرلىك ونەر بويىنشا V ازيا ويىندارىنىڭ قولا جۇلدەگەرى اتاندى.

V ازيا ويىندارىندا جالپىكوماندالىق ەسەپ بو­يىن­شا əزىرگە تۇرىكمەنستان سپورت­شىلارى (21 التىن, 18 كۇمىس, 10 قولا (بارلىعى – 49)), وزبەكستان (3, 4, 19 (26)) جانە تايلاند قۇرامالارى (3, 4, 5 (12)) ۇزدىك كەلەدى. ال قازاقستان قۇرا­ماسى ءبىر كۇمىس جانە بەس قولا مەدالمەن 62 ەلدىڭ ىشىندە 16-شى ورىندا تۇر.

ءالي بيتورە, «ەگەمەن قازاقستان»