قازاقستان رەسپۋبليكاسى ۇكىمەتىنىڭ 2016 جىلعى 29 جەلتوقسانداعى №905 قاۋلىسىمەن بەكىتىلگەن ۇكىمەتتىڭ زاڭ جوبالاۋ جۇمىستارىنىڭ 2017 جىلعا ارنالعان جوسپارىنا سايكەس «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەسiرتكi, پسيحوتروپتىق زاتتار, سول تەكتەستەر مەن پرەكۋرسورلاردىڭ اينالىمىن باقىلاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭنىڭ جوباسى ازىرلەندى.
زاڭ جوباسى اسا قاۋىپتى, ياعني سانانى ۋلايتىن زاتتاردىڭ 88 قۇرىلىمدىق ءتۇرىن باقىلاۋعا الۋدى, سونداي-اق ۇكىمەتكە شاعىن زاڭ اكتىلەرى دەڭگەيىندە باقىلاۋداعى زاتتاردىڭ ءتىزىمىن بەكىتۋ بويىنشا ۋاكىلەتتىك بەرۋدى كوزدەيدى.
زاڭ جوباسىن قابىلداۋ ەسىرتكى بيزنەسىنىڭ جانە ترانسۇلتتىق ۇيىمداسقان ەسىرتكى قىلمىسىنىڭ جاڭا سىن-قاتەرلەرىنە قارسى ءىس-قيمىل جاساۋدا قابىلداپ جاتقان شارالاردى بارابار جانە ۋاقىتىلى قامتاماسىز ەتۋ, سونداي-اق ازاماتتاردىڭ ءومىرى مەن دەنساۋلىعىنىڭ اجىراماس قۇقىقتارىن قورعاۋ دەڭگەيىن ارتتىرۋ ءۇشىن قولدانىستاعى ەسىرتكىگە قارسى زاڭنامالىق جۇيەنى جاڭعىرتۋعا مۇمكىندىك بەرەدى.
زاڭ جوباسى قولدانىستاعى زاڭنامانى قولدا بار ەسىرتكىلەرگە قاتىستى, سونىمەن قاتار, بولاشاقتا پايدا بولۋى مۇمكىن قاۋىپتى ەسىرتكى زاتتارعا قاتىستى قولدانۋ سالاسىن كەڭەيتۋگە باعىتتالعان. زاڭ جوباسى مۇددەلى مەملەكەتتىك ورگاندارمەن كەلىسىلگەن, قازاقستان رەسپۋبليكاسى پرەمەر-ءمينيسترىنىڭ كەڭسەسىمەن ماقۇلدانعان. قازىرگى ۋاقىتتا زاڭ جوباسى قازاقستان رەسپۋبليكاسى پارلامەنتى ماجىلىسىنە ەنگىزىلدى, دەپ حابارلادى ءىىم ءباسپاسوز قىزمەتى.