«گازپرومنەفت» كومپانياسىنىڭ قازاقستان رەسپۋبليكاسى اۋماعىنداعى بيتۋم ونىمدەرىن شىعارۋ جانە ساتۋ بويىنشا ەنشىلەس مەكەمەسى «گازپرومنەفت - بيتۋم قازاقستان» مەكەمەسى تولەبي اۋدانىندا قوسپالاردى مەتالل بوشكەلەرگە قۇيۋدىڭ جاڭا اۆتوماتتى جەلىسىن ىسكە قوسادى. بۇل تۋرالى وقو كيد جانە تۋريزم باسقارماسىنىڭ ءباسپاسوز قىزمەتى حابارلادى.
بۇل ەلىمىز بەن جاقىن مەملەكەتتەردىڭ جول-قۇرىلىس كومپانيالارى ءۇشىن ەڭ قولايلى ىدىس. بۇل - قازاقستانداعى بيتۋم زاۋىتىنىڭ تەحنولوگيالىق پروتسەسىن جاڭارتۋ باعدارلاماسىنىڭ ماڭىزدى كەزەڭى. ونىڭ جۇزەگە اسۋى قازاقستان, تاجىكستان, قىرعىزستان جانە باسقا دا ەلدەردەگى كونتراگەنگە دەگەن سۇرانىستى قامتۋ ءۇشىن جىلىنا 15 مىڭ توننا ءونىمدى قۇيۋعا مۇمكىندىك بەرەدى.
قازىرگى تاڭدا وندىرىستىك الاڭدا نارىقتا قاجەت ەتىلەتىن بند 60/90 جانە 70/100 ماركالى بازالىق بيتۋم شىعارىلادى, ولاردىڭ ساپاسى رەسەي مەن قازاقستاندىق ستاندارتتارعا ساي كەلەدى. دايىن ءونىمدى جونەلتۋ قۇيىلعان, سونداي-اق مەتالل بوشكەلەرگە وراپ-تۇيىلگەن كۇيىندە ىسكە اسىرىلادى. «گازپروم نەفت» بيتۋمىن قولدانا وتىرىپ, وڭتۇستىك قازاقستان جولدارىنىڭ ۇشتەن ءبىرى, ونىڭ ىشىندە ءىرى جول جوباسىنىڭ – «باتىسەۋروپا – باتىس قىتاي» ترانسقۇرىلىقتىق ءدالىزىنىڭ اۆتوموبيل جولدارى سالىندى.
«بيتۋمدىق ماتەريالداردىڭ جوعارى ساپاسى مەن لوگيستيكالىق ارتىقشىلىقتارىنا وراي, «گازپروم نەفت» جشس-ءى جۇمىس ىستەگەن 5 جىل ىشىندە قازاقستان نارىعىندا تانىمال ويىنشىعا اينالدى. ءوزىمىزدىڭ رەسەي الاڭدارىندا بيتۋمدىق ماتەريالداردىڭ تەحنولوگيالارىن ازىرلەۋ مەن وندىرۋدە كوپجىلدىق تابىستى تاجىريبەگە يە بولا وتىرىپ, ءبىز قازاقستاندا اكتيۆتەردى ءتيىمدى باسقارۋ ءۇشىن ۇزدىك جەتىستىكتەردى بەلسەندى قولدانىپ كەلەمىز. جوعارى ساپالى بيتۋمدى وندىرۋمەن قاتار, وراپ-ءتۇيۋ تورابىن دامىتۋ بىزگە شالعاي ورنالاسۋىنا قاراماي, قازاقستان مەن وعان جاقىن ورنالاسقان ەلدەردە تۇتىنۋشىلاردى قامتاماسىز ەتۋگە مۇمكىندىك بەرەدى», - دەيدى «گازپروم نەفت» جشس ديرەكتسياسىنىڭ كوممەرتسيالىق ديرەكتورى لەۆان كاداگيدزە.
ايتا كەتۋ كەرەك, زاۋىت وتكەن 2016 جىلمەن سالىستىرعاندا, تاۋلىكتىك ونىمدىلىكتى 30 پايىزعا ۇلعايتىپ, ونىڭ كولەمى 700 توننا تۇتقىر زاتقا جەتتى. 2017 جىلدىڭ ناتيجەسى بويىنشا زاۋىت جۇمىسشىلارى 200 مىڭ توننا بيتۋمدىق ماتەريال ءوندىرۋدى جوسپارلاپ وتىر. ال قازاقستاندا بيتۋمدىق ءونىمدى تۇتىنۋدىڭ جىل سايىنعى كولەمى – 550-650 مىڭ تونناعا جۋىق.
«بۇل قازاقستاندا بيتۋمدىق زاۋىتتىڭ تەحنولوگيالىق پروتسەستەرىن جاڭعىرتۋ باعدارلاماسىنىڭ ماڭىزدى كەزەڭى. ونى ىسكە اسىرۋ قازاقستاندا, تاجىكستاندا, قىرعىزستاندا جانە باسقا ەلدەردە كونتراگەنتتەردى قامتاماسىز ەتۋ ءۇشىن جىلىنا قوسىمشا 15 مىڭ توننا ءونىمدى وراپ-ءتۇيۋدى جۇزەگە اسىرۋعا مۇمكىندىك بەرەدى. زاۋىتتىڭ گەوگرافيالىق ورنالاسۋى قازاق جول-قۇرىلىس سالاسى ءۇشىن, سونداي-اق شەتەلدىك تۇتىنۋشىلار ءۇشىن بيتۋمدىق ماتەريالداردى جونەلتۋگە مۇمكىندىك بەرەدى», - دەيدى وقو كاسىپكەرلىك, يندۋستريالدى-يننوۆاتسيالىق دامۋ جانە تۋريزم باسقارما باسشىسىنىڭ ورىنباسارى قانات سىدىقوۆ.