ەرتەڭ الەمدەگى كۇللى بوكس سۇيەر قاۋىم اسىعا كۇتىپ وتىرعان ايگىلى بوكس كەشى.
قازاقستاندىق كاسىپقوي بوكسشى گەننادي گولوۆكين (37-0, 33 كو) مەن مەكسيكالىق ساۋل الۆارەس (49-1-1, 34 كو) جەكپە-جەككە ءبىر كۇن قالعاندا سالماق ولشەۋ راسىمىنەن ءوتتى.
«گولوۆكيننىڭ دە, الۆارەستىڭ دە سالماعى 160 فۋنتتى (72,57 كيلوگرامم) كورسەتتى» دەپ جازدى Sports.kz.
ايتپاقشى, گولوۆكين مەن الۆارەستىڭ سالماق ولشەۋ راسىمىنە قازاقستاندىق جانكۇيەرلەر دە قاتىستى. ESPN Boxeo تۆيتتەردەگى پاراقشاسىنا «بۇل جەردەن از بولسا دا قازاقستاندىق جانكۇيەرلەردى دە كەزىكتىرۋگە بولادى», - دەپ جازدى قازاقستان تۋىن جامىلعان جانكۇيەر تۇسكەن سۋرەتتىڭ استىنا.
ەسكە سالا كەتەيىك, كەزدەسۋ 16 قىركۇيەك كۇنى (قازاقستاندا 17 قىركۇيەك كۇنى تاڭدا) لاس-ۆەگاستاعى T-Mobile Arenaدا وتەدى. قازاقستاندا جەكپە-جەكتى «Qazsport» جانە «Qazaqstan» تەلەارنالارى كورسەتەدى. ايتۋلى ايقاس استانا ۋاقىتى بويىنشا 08:50-دە باستالادى.