• RUB:
    6.68
  • USD:
    520.93
  • EUR:
    609.07
باستى سايتقا ءوتۋ
ايماقتار 12 قىركۇيەك, 2017

وقو-دا جەرگىلىكتى پوليتسياعا 143 قىزمەتتىك اۆتوكولىك تابىستالدى

511 رەت
كورسەتىلدى

بۇگىن وڭتۇستىك قازاقستاندا جەرگىلىكتى پوليتسيا قىزمەتكەرلەرىنە 143 قىزمەتتىك اۆتوكولىكتىڭ كىلتى تاپسىرىلدى. 

ەلباسىنىڭ بەس ينستيتۋتسيونالدىق رەفورمانى جۇزەگە اسىرۋ جونىندەگى «100 ناقتى قادام» ۇلت جوسپارىن ىسكە اسىرۋ اياسىندا ۇيىمداستىرىلعان شاراعا وبلىس اكىمى جانسەيىت تۇيمەباەۆ قاتىسىپ, بىرقاتار سالا قىزمەتكەرلەرىنە اۆتوكولىكتەردىڭ كىلتىن تابىستادى.

«ەلباسىنىڭ باستاماسىمەن قۇرىلعان جەرگىلىكتى پوليتسيا قىزمەتىنە حالىقتىڭ ارتار سەنىمى مول. سوندىقتان, سىزدەر قوعامدىق ءتارتىپ پەن ازاماتتاردىڭ قاۋىپسىزدىگىن قامتاماسىز ەتۋ جولىنداعى مىندەتتەردى تابىستى جۇزەگە اسىرۋ كەرەكسىزدەر. جەرگىلىكتى اتقارۋشى بيلىك پەن پوليتسياعا ورتاق مىندەتتەر قويىلىپ, كوپتەگەن جوبالار بىرلەسىپ ىسكە اسىرىلۋدا. جەرگىلىكتى بيلىكپەن كورسەتىلگەن قولداۋ, جەرگىلىكتى پوليتسيا قىزمەتى تاراپىنان قۇقىق بۇزۋشىلىقتى ازايتىپ, قوعامدىق جانە جول ءتارتىبى مەن قاۋىپسىزدىگىن ساقتاۋعا وڭ سەپتىگىن تيگىزەتىن بولادى دەپ سەنەمىن», - دەدى ءوڭىر باسشىسى.

ءتارتىپ ساقشىلارى جاڭا اۆتوكولىكتەردى ازاماتتاردىڭ قوعامدىق قاۋىپسىزدىگىن ساقتاۋ ماقساتىندا, قىلمىستاردى اشۋ, قۇقىقبۇزۋشىلاردى ۇستاۋ جانە وبلىس ورتالىعى مەن اۋدانداردا كوشەلەردى پاترۋلدەۋ مەن قوعامدىق قاۋىپسىزدىكتى ساقتاۋ ماقساتىندا پايدالاناتىن بولادى. اتالعان «JAS S5» جانە LADA 21214-نيۆا» ماركالى تەمىرتۇلپارلار ۇلت جوسپارىنىڭ 30-قادامىنا سايكەس, وبلىس اكىمدىگى تاراپىنان جەرگىلىكتى پوليتسيانىڭ ماتەريالدىق-تەحنيكالىق جاعدايىن نىعايتۋعا قارالعان 2,5 ملرد. تەڭگە قارجى اياسىندا الىنىپ وتىر.

جيىندا, مۇنان بولەك, وبلىستىق ءماسليحات حاتشىسى قايرات بالابيەۆ پەن ىشكى ىستەر ورگاندارى ارداگەرلەر كەڭەسىنىڭ توراعاسى سەرجان تۇرسىنبەكوۆ قۇتتىقتاۋ ءسوز سويلەپ, الداعى ۋاقىتتا سالا قىزمەتكەرلەرىنىڭ جۇمىس ساپاسى ودان ءارى ارتاتىنىنا سەنىم ءبىلدىردى. سونداي-اق, وبلىس اكىمىمەن بىرگە قىزمەتتىك اۆتوكولىكتەردى ارالاپ كوردى. ودان سوڭ, سالتاناتتى شاراعا قاتىسۋشىلار مەن قوناقتار جەكە قۇرامنىڭ سالتاناتتى شەرۋىن تاماشالادى.

ايتا كەتۋ كەرەك, سالاداعى اتقارىلعان جۇمىستار ناتيجەسىندە بۇگىنگى تاڭدا, وبلىستا جالپى قۇقىقبۇزۋشىلىق 16 پايىزعا تۇسسە, اسا اۋىر قىلمىستار 4 پايىزعا, اۋىر قىلمىستار 15,6 پايىزعا كەمىدى. سونىمەن قاتار, قوعامدىق ورىندار مەن كوشەلەردە جاسالاتىن قىلمىستار 23 پايىزعا تومەندەپ وتىر.

سوڭعى جاڭالىقتار