2030 جىلعا دەيىن گەولوگيالىق بارلاۋعا 7 ترلن تەڭگەگە جۋىق ينۆەستيتسيا تارتىلادى. بۇل تۋرالى قر ۇكىمەتى وتىرىسىنىڭ قورىتىندىسى بويىنشا ءباسپاسوز كونفەرەنتسياسى اياسىندا ۇلتتىق ەكونوميكا ءمينيسترى تيمۋر سۇلەيمەنوۆ پەن قارجى ءمينيسترى باقىت سۇلتانوۆ حابارلادى.
وسىلايشا, تيمۋر سۇلەيمەنوۆتىڭ مالىمەتىنشە, گەولوگيالىق بارلاۋدى ىنتالاندىرۋ ماقساتىندا بىرقاتار سالىقتار بىرىكتىرىلەدى.
«بىزدە ماڭىزدى كەن ورىندارى بار, ولار كوپ شىعىندى تالاپ ەتەدى جانە قازىرگى ۋاقىتتا ينۆەستورلار ءۇشىن تارتىمدى ەمەس. سولار بويىنشا جەر قويناۋىن پايدالانۋعا بىرقاتار سالىقتاردى بىرەۋىنە — جەر قويناۋىن پايدالانۋعا بالامالى سالىققا بىرىكتىرۋ ۇسىنىلدى», — دەپ حابارلادى ۇلتتىق ەكونوميكا ءمينيسترى.
سونىمەن قاتار, قازىنالىق جۇكتەمە بويىنشا سالىق سونداي بولىپ قالادى. ونى رەفورمالاۋ جوسپارلانعان, بۇل وسىنداي كەن ورىندارىنا ينۆەستيتسيالار تارتۋ بويىنشا جۇمىستى جەڭىلدەتەدى.
ء«بىز مولشەرلەمەنى وزگەرتپەيمىز, ءبىز سالىق جۇيەسى مەن سالىق تولەۋشىلەردىڭ ءوزارا قارىم-قاتىناس ۇلگىسىنىڭ وزگەرۋىن قامتاماسىز ەتەمىز. ويتكەنى, جاڭارتىلعان كودەكس نەگىزىندە ەرىكتىلىك, اشىقتىق جانە سەرىكتەستىك قاعيداتى بار», — دەپ تولىقتىردى قارجى ءمينيسترى.
ونىڭ ايتۋىنشا, جەر قويناۋىن پايدالانۋ بويىنشا قوسىمشا سالىق شارالارىن ۇيلەستىرۋ جانە جەر قويناۋى تۋرالى جاڭا كودەكس جوباسىمەن ۇيلەستىرۋ ەسەبىنەن 2030 جىلعا دەيىن 7 ترلن تەڭگە سوماسىندا قوسىمشا ينۆەستيتسيا تارتۋ كۇتىلۋدە.