يساتاي اۋدانىنا قاراستى اققىستاۋ ەلدى مەكەنىندە «سازانقۇراق» اتتى جاڭا اللەيا ەل يگىلىگىنە پايدالانۋعا بەرىلدى. ەلباسىنىڭ «بولاشاققا باعدار: رۋحاني جاڭعىرۋ» ماقالاسى اياسىنداعى «تۋعان جەر» باعىتى بويىنشا بيىل اۋداندا وسىنداي ەكى جوبا جۇزەگە اسىرىلادى.
20 شارشى مەتر اۋماقتى الىپ جاتقان اللەيادا اۋداننىڭ وتكەن تاريحى مەن بۇگىنى تۋرالى باياندايتىن فوتوشەجىرە ەكسپوزيتسياسى ورنالاسقان. اللەيانىڭ اشىلۋ سالتاناتىنا اۋدان اكىمى, اۋدان اۋماعىندا ورنالاسقان جانە وسى اللەيانى سالۋعا اتسالىسقان مۇناي-گاز كاسىپورنى "سازانقۇراق" جشس باسشىلارى, ەڭبەك ارداگەرلەرى مەن اۋىل تۇرعىندارى قاتىستى.
الداعى ۋاقىتتا اۋداندا «تۋعان جەر» ارنايى جوباسى بويىنشا باسقا دا يگى ىستەر جۇزەگە اسىرىلادى. سولاردىڭ ءبىرى - تاريحي تۇلعالارعا ەسكەرتكىش بەلگىلەر ورناتۋ.
جوبا اياسىندا ايباس قۇمىندا اتاقتى كۇيشى د.نۇرپەيىسوۆانىڭ كەلىن بولىپ بوساعا اتتاعان جانە سانالى عۇمىرىن وتكەرگەن «شاپەك» وباسىنا بەلگى ورناتۋ جوسپارلانعان. بۇل جۇمىستار جەرگىلىكتى كاسىپكەرلەر مەن كاسىپورىندار, وسى اۋداننان شىققان ازاماتتاردىڭ دەمەۋشىلىگىمەن جۇزەگە اسىرىلاتىن بولادى. تۋعان ولكە مەن ەلگە دەگەن قۇرمەتتى ايشىقتاعان "رۋحاني جاڭعىرۋدىڭ" اياسىندا اتقارىلىپ جاتقان جۇمىستارعا اۋدان تۇرعىندارى ءدان ريزا.
باقىتگۇل باباش, «ەگەمەن قازاقستان»