الماتى قالاسىنداعى «دوستىق ءۇيى» عيماراتىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ءدىني قىزمەت جانە ءدىني بىرلەستىكتەر ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» ازىرلەنگەن زاڭ جوباسىن تالقىلاۋ بويىنشا قوعامدىق پىكىر كوشباسشىلارى مەن عىلىمي-ساراپشىلار قاۋىمداستىعى وكىلدەرىنىڭ دوڭگەلەك ۇستەلى ءوتتى.
ءدىن ىستەرى جانە ازاماتتىق قوعام ۆيتسە-ءمينيسترى بەرىك ارىن, ءدىن ىستەرى كوميتەتى توراعاسىنىڭ مىندەتىن اتقارۋشى ەركىن وڭعارباەۆ, ازاماتتىق قوعام ىستەرى كوميتەتىنىڭ توراعاسى ءاليا گاليموۆا, سونداي-اق بەلگىلى عالىمدار, ءدىنتانۋشىلار, تەولوگتار, زاڭگەرلەر, بلوگەرلەر مەن ۇكىمەتتىك ەمەس ۇيىمداردىڭ وكىل- دەرى, ساراپشىلار قاتىسقان اتالمىش جيىن بارىسىندا زاڭ جوباسىنا ەنگىزىلىپ وتىرعان وزگەرىستەر مەن تولىقتىرۋلار جان-جاقتى تالقىلاندى.
ء«بىز زاڭ جوباسىنىڭ جۇمىسىنا مەملەكەتتىك ورگاندارمەن قاتار, قوعامنىڭ دا بەلسەندى ارالاسۋىنا مۇددەلىمىز. ءبىز ءۇشىن ازاماتتىق قوعامنىڭ بارلىق وكىلدەرىمەن اشىق سۇحبات جۇرگىزۋ ماڭىزدى», دەپ اتاپ ءوتتى ۆيتسە-مينيستر بەرىك ارىن ءوز سوزىندە.
زاڭ جوباسىن تالقىلاۋعا قاتىستى ماڭىزدى باسقوسۋعا قاتىسۋشىلار ءدىن سالاسىنداعى زاڭنامانى جەتىلدىرۋدىڭ جانە اتالعان قۇجاتتى قابىلداۋدىڭ قاجەتتىلىگىنە جالپى قولداۋ كورسەتە وتىرىپ, ءوز ەسكەرتۋلەرى مەن ۇسىنىستارىن جەتكىزدى.
ءدىن ىستەرى كوميتەتى توراعاسىنىڭ مىندەتىن اتقارۋشى ەركىن وڭعارباەۆ زاڭ جوباسىن دايىنداۋ بارىسىندا مەملەكەتتىك ورگانداردىڭ, قوعامدىق بىرلەستىكتەردىڭ, ساراپشىلار قاۋىمداستىعى مەن ازاماتتاردىڭ ۇسىنىستارى مەن پىكىرلەرى بارىنشا ەسكەرىلەتىنىن, قولدانىستاعى زاڭنامالارعا جاڭا نورمالاردى ەنگىزۋدە حالىقارالىق تاجىريبەگە باسا نازار اۋدارىلاتىنىن اتاپ ءوتتى.
ميرا بايبەك, «ەگەمەن قازاقستان»
الماتى