جايىق وزەنىنىڭ جاعاسىنا بەس جاڭا جاتتىعۋ قۇرىلعىلارى ورناتىلدى, - دەپ حابارلايدى اتىراۋ وبلىسى وڭىرلىك كوممۋنيكاتسيا قىزمەتى.
"سپورت ايالدامالارى" "اتىراۋ اقپارات", ورتالىق دەنە شىنىقتىرۋ-ساۋىقتىرۋ كەشەنى مەن وبلىستىق əكىمدىك ماڭىنداعى جاعالاۋلاردان ورىن الدى. وبلىستىق دەنە تəربيەسى جəنە سپورت باسقارماسىنىڭ باسشىسى ازامات بەكەتتىڭ ايتۋىنشا, سالاماتتى ءومىر سالتىن ناسيحاتتايتىن مۇنداي قۇرىلعىلار ەۋروپا ەلدەرىندە قولدانىسقا يە.
قۇرىلعىلار جۇگىرۋمەن اينالىساتىن قالا تۇرعىندارىنا ارنالعان. سول جەردە ايالداپ, جاتتىعۋ قۇرىلعىلارىن پايدالانا الادى.
- بۇل باسى عانا. ەگەر حالىق اراسىندا سۇرانىسقا يە بولسا, تاعى دا ورناتامىز. قالا كəسىپكەرلەرى مەملەكەت باسشىسىنىڭ "بولاشاققا باعدار:رۋحاني جاڭعىرۋ" ماقالاسىنا بەلسەندى ءۇن قوستى, وسىنداي قۇرىلعىلار ورناتۋعا باستاما كوتەردى,- دەيدى ازامات بەكەت.
جاتتىعۋ قۇرىلعىلارى وتە ىڭعايلى جəنە ىقشام جاسالعان. ءبىر قۇرىلعىنىڭ وزىندە تۋرنيك, قوسسىرىق, شۆەد قابىرعاسى, كەرمە سىندى بىرنەشە تەتىك بار. سپورتتىق قۇرىلعىدا əلەۋمەتتىك جارناما ورناتىلاتىن قالقان دا بار.
ەسكە سالايىق, 2013 جىلى اتىراۋدا 30-دان استام بۇزۋعا ءتوزىمدى سپورتتىق جاتتىعۋ قۇرىلعىلارى ورناتىلعان ەدى. قازىر ولار بالالار مەن جاسوسپىرىمدەر اراسىندا دا, ۇلكەندەر اراسىندا دا كەڭ قولدانىسقا يە.