اقمولا وبلىسىنىڭ اكىمى مالىك ءمىرزاليننىڭ 2017 جىلعى 6 قىركۇيەكتەگى وكىمىمەن تالعات ءجۇنىسوۆ وبلىستىق ءبىلىم باسقارماسى باسشىسىنىڭ مىندەتىن اتقارۋشى بولىپ تاعايىندالدى, دەپ حابارلايدى وبلىس اكىمدىگىنىڭ ءباسپاسوز قىزمەتى.
تالعات تۇرلىبەك ۇلى 1963 جىلدىڭ 3 شىلدەسىندە قازىرگى سولتۇستىك قازاقستان وبلىسى تايىنشا اۋدانىنىڭ قاراعاش اۋىلىندا دۇنيەگە كەلگەن. كوكشەتاۋ اۋىل شارۋاشىلىعى ينستيتۋتىن ينجەنەر-مەحانيك, «فەميدا» زاڭ اكادەمياسىن زاڭگەر ماماندىعى بويىنشا بىتىرگەن. تەحنيكا عىلىمدارىنىڭ دوكتورى, اكادەميك.
ەڭبەك جولىن تۋعان اۋىلىندا جۇمىسشى بولىپ باستاعان. شوقان ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىندە اسسيستەنت, دوتسەنت, اۋىل شارۋاشىلىعى ينستيتۋتى ديرەكتورىنىڭ ورىنباسارى, سىرتتاي وقىتاتىن بولىمشەنىڭ دەكانى, پرورەكتور لاۋازىمىنا دەيىنگى قىزمەت جولىنان وتكەن. قر ءبىلىم جانە عىلىم مينيسترلىگىندە قىزمەت اتقارعان.
2002-2008 جىلدار ارالىعىندا ش.ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىنىڭ پرورەكتورى, 2008-2012 جىلدارى رۋدنىي يندۋستريالدىق ينستيتۋتىنىڭ رەكتورى, 2012-2014 جىلدارى قر ۇلتتىق ينجەنەرلىك اكادەمياسىنىڭ ۆيتسە-پرەزيدەنتى, 2014-2016 جىلدارى قر پرەزيدەنتى جانىنداعى مەملەكەتتىك باسقارۋ اكادەمياسىنىڭ ۆيتسە-رەكتورى بولىپ قىزمەت اتقاردى.
جاڭا قىزمەتكە تاعايىندالعانعا دەيىن «ۇلتتىق اگرارلىق عىلىمي-وقىتۋ ورتالىعى» ۇاو باسقارما توراعاسىنىڭ ورىنباسارى بولدى. «قۇرمەت» وردەنىمەن, مەرەكەلىك مەدال جانە توسبەلگىلەرمەن ماراپاتتالعان.
بارلىق قۇقىقتار قورعالعان. inform.kz بەلسەندى سىلتەمەنى پايدالانىڭىز http://www.inform.kz/kz/akmola-oblysynyn-bilim-baskarmasyna-zhana-basshy-tagayyndaldy_a3063668