پارلامەنت سەناتىنىڭ توراعاسى قاسىم-جومارت توقاەۆ استاناعا يسلام ىنتىماقتاستىعى ۇيىمىنىڭ عىلىم جانە تەحنولوگيالار جونىندەگى العاشقى سامميتىنە قاتىسۋ ءۇشىن كەلگەن گۆينەيا پرەزيدەنتى, افريكا وداعىنىڭ باسشىسى الفا كوندەمەن كەزدەستى, دەپ حابارلادى پارلامەنت سەناتىنىڭ ءباسپاسوز قىزمەتى.
پرەزيدەنت نۇرسۇلتان نازارباەۆتىڭ ۇسىنىسى بويىنشا وتكەن فورۋمعا قاتىسقانى ءۇشىن ق.توقاەۆ مارتەبەلى قوناققا العىس ايتتى.
گۆينەيا پرەزيدەنتى ەلباسىنىڭ يسلام الەمىن جاقىنداستىرۋعا جانە عىلىمي, تەحنولوگيالىق جانە ەكونوميكالىق الەۋەتىن نىعايتۋعا باعىتتالعان كۇش-جىگەرىن جوعارى باعالادى. «بۇل وتە ماڭىزدى سامميت, ويتكەنى قازىر ءبىز اتقارىپ وتىرعان ءىستىڭ ورنى ويسىراپ تۇرعان», دەدى ا.كوندە.
كەزدەسۋ بارىسىندا افريكا وداعىنىڭ دامۋ كەلەشەگى جانە قازاقستاننىڭ وسى ۇيىممەن ءوزارا بايلانىستارى تالقىلاندى. ق.توقاەۆ قازاقستان افريكا قۇرلىعىنداعى مەملەكەتتەرمەن دوستىق جانە ءوزارا ءتيىمدى قارىم-قاتىناستاردى دامىتۋعا ۇلكەن ءمان بەرەتىنىن اتاپ ءوتتى. سەنات سپيكەرى ا.كوندەنىڭ توراعالىعى كەزىندە افريكا ەلدەرىنىڭ بىرلىگى ايتارلىقتاي نىعايىپ, افريكا وداعىنىڭ حالىقارالىق بەدەلى وسكەنىن اتاپ ءوتتى.
كەزدەسۋ بارىسىندا قازاقستان مەن گۆينەيا اراسىنداعى ىنتىماقتاستىق پەن پارلامەنتارالىق بايلانىستاردى نىعايتۋ ماسەلەلەرى دە ءسوز بولدى.