باس-اياعى 93 كۇنگە سوزىلعان ەكسپو كورمەسى بۇگىن رەسمي تۇردە جابىلادى. ءدال قازىرگى ۋاقىتتا كورمە الاڭىندا سالتاناتتى جابىلۋى ءوتىپ جاتىر.
ساعات 19:20-19:50 ارالىعىندا كۇندەلىكتى شەرۋ, ال 20:00-21:00 ۋاقىتى ارالىعىندا كورمەنىڭ جابىلۋ سالتاناتىنىڭ رەسمي بولىگى وتەدى. ساعات 21:25-تە مۋزارت, مايرا مۇحامەدقىزى, ءجاميلا سەركەباەۆا, لادا قىسىقوۆا سەكىلدى ەلىمىزگە بەلگىلى ەسترادا جۇلدىزدارىنىڭ قاتىسۋىمەن مەرەكەلىك كونتسەرت باستالادى.
ال ساعات 21:15-21:23 ارالىعىندا مەيماندار مەرەكەلىك وتشاشۋدى تاماشالاۋىنا مۇمكىندىك بولادى.
ايتا كەتەيىك, 18:30 ۋاقىتىندا كورمەگە كىرۋ ءۇشىن بەرىلەتىن بيلەتتەردىڭ ساتىلىمى 22:00 ۋاقىتىنا دەيىن توقتاتىلدى. 22:00-دە كورمەنىڭ سولتۇستىك جانە وڭتۇستىكتەگى كىرەبەرىستەرى اشىلادى. ول ەسىكتەر 02:30-عا دەيىن اشىق بولادى. وسى ۋاقىت ارالىعىندا حالىقارالىق پاۆيلوندار وزدەرىنىڭ كونتسەرتتىك باعدارلامالارىن ۇسىنادى.
كورمە 11 قىركۇيەك كۇنى ساعات 03:00 كەزىندە تولىعىمەن جابىلادى.