مەملەكەت باسشىسى يسلام ىنتىماقتاستىعى ۇيىمىنىڭ عىلىم جانە تەحنولوگيالار جونىندەگى ءسامميتى اياسىندا گۆينەيا رەسپۋبليكاسىنىڭ پرەزيدەنتى الفا كوندەمەن كەزدەستى. بۇل تۋرالى akorda.kz حابارلادى.
كەزدەسۋ بارىسىندا قازاقستان پرەزيدەنتى استانادا ءوتىپ جاتقان يسلام ىنتىماقتاستىعى ۇيىمىنىڭ عىلىم جانە تەحنولوگيالار جونىندەگى ءسامميتى بۇكىل يسلام الەمى ءۇشىن ماڭىزدى ەكەنىن اتاپ ءوتتى.
– وكىنىشكە قاراي, ءبىزدىڭ ەلدەرىمىز اراسىندا تىعىز ەكونوميكالىق قارىم-قاتىناس ورناماعان. ءبىز وسى باعىتتى دامىتا ءتۇسۋىمىز قاجەت. ءسىزدىڭ قازاقستانعا رەسمي ساپارمەن كەلۋگە نيەتتى ەكەنىڭىزدى بىلەمىن جانە وعان قۋانىشتىمىز, – دەدى نۇرسۇلتان نازارباەۆ.
گۆينەيا رەسپۋبليكاسىنىڭ پرەزيدەنتى يسلام ىنتىماقتاستىعى ۇيىمىنىڭ عىلىم جانە تەحنولوگيالار جونىندەگى سامميتىنە قاتىسۋعا شاقىرعانى ءۇشىن نۇرسۇلتان نازارباەۆقا ريزاشىلىعىن ءبىلدىرىپ, ەكىجاقتى بايلانىستاردى نىعايتۋعا نيەتتى ەكەنىن ايتتى.