تۋريزم جانە سپورت مينيسترلىگىنىڭ سپورت كوميتەتى ەلىمىزدىڭ باق وكىلدەرى اراسىندا سپورت ءجۋرناليسى, پۋبليتسيست جانە قوعام قايراتكەرى سەيداحمەت بەردىقۇل اتىنداعى جىل سايىن وتەتىن كونكۋرستىڭ باستالعانىن حابارلادى.
كونكۋرسقا بۇرىن جەڭىمپاز اتانباعان جانە 2006 جىلعا دەيىنگى ۋاقىتتاعى وسى جۇلدەنى ساراپقا سالۋدىڭ وتكەن كەزەڭىنىڭ جەڭىمپازى بولعان جۋرناليستەر قاتىسا الادى, ياعني كونكۋرستا جەڭىسكە جەتكەننەن كەيىنگى وتكەن ۋاقىت 5 جىلدان كەم بولماۋى ءتيىس.
سىيلىق جىلىنا ءبىر رەت ءۇش جەڭىمپازعا تاپسىرىلادى. ونىڭ ىشىندە ەكى سىيلىق – مەملەكەتتىك ءتىلدىڭ مارتەبەسىن كوتەرۋ ماقساتىندا قازاق تىلىندەگى ماتەريالدارعا, ءبىر سىيلىق – ورىس تىلىندە شىققان ماتەريالدارعا بەلگىلەنگەن.
وتىنىمدەر مەن ماقالالار مىنا مەكەن-جاي بويىنشا قابىلدانادى: استانا قالاسى, سىعاناق كوشەسى, 25 (11-قابات), «اڭسار» بيزنەس ورتالىعى, تۋريزم جانە سپورت مينيسترلىگى سپورت كوميتەتىنىڭ ۇشك جانە سرد ءباسپاسوز قىزمەتى («2011 جىلعى س.بەردىقۇل اتىنداعى كونكۋرسقا» دەگەن بەلگىمەن).
ۇمىتكەرلەر 2011 جىلداعى جۇمىستارىن مىنا تاقىرىپتار بويىنشا تاپسىرۋى ءتيىس:
1.الەم جانە ازيا چەمپيوناتتارىنا الەم كۋبوكتارىنا, حالىقارالىق جارىستارعا جانە دە قازاقستان بىرىنشىلىكتەرىنە ارنالعان شولۋ جاساۋلار (وچەركتەر, ماقالالار, تالداۋ, تەلەترانسلياتسيالار, تەلەكوپىرلەر جانە ت.ب.).
2. قازاقستاندىق باق-تاردا بۇقارالىق سپورتتى, بالالار مەن ءجاسوسپىرىمدەر اراسىنداعى سپورتتى, مۇگەدەكتەر اراسىنداعى جانە ۇلتتىق سپورت تۇرلەرىنەن سپورت ويىندارىن (سپارتاكيادالار, تۋرنيرلەر, فورۋمدار, پاراوليمپيالىق ويىندار, ۇلتتىق سپورت تۇرلەرى فەستيۆالى), ت.ب. ناسيحاتتاۋ.
3. استانا جانە الماتى قالالارىندا وتكەن 2011 جىلعى VII قىسقى ازيا ويىندارىنا ارنالعان ماقالالار, ماتەريالدار, حابارلار, وچەركتەر.
كونكۋرستىڭ جەڭىمپازدارى «سەيداحمەت بەردىقۇل اتىنداعى سىيلىقتىڭ لاۋرەاتى» دەگەن ارنايى توسبەلگىمەن ماراپاتتالىپ, ديپلوم مەن اقشالاي سىيلىققا يە بولادى.
بەرىلگەن اقپاراتتى تۋريزم جانە سپورت مينيسترلىگىنىڭ (www.mts.gov.kz) جانە ۇشكجسر ديرەكتسياسىنىڭ (www.kazsports.kz) سايتتارىنان تاباسىز. لاۋرەاتتاردىڭ ەسىمدەرى ەلىمىزدىڭ اقپارات قۇرالدارىندا جانە جوعارىدا كورسەتىلگەن سايتتاردا ورنالاسادى.
قوسىمشا سۇراقتار بويىنشا تومەندەگى تەلەفوندارعا حابارلاسۋعا بولادى: 8 (7172) 91 15 29 نەمەسە 8 701 367 18 34.
«ەگەمەن-اقپارات».