بۇگىن استانادا قازاقستان رەسپۋبليكاسىنىڭ پرەمەر-ءمينيسترى باقىتجان ساعىنتاەۆ يندونەزيانىڭ ۆيتسە-پرەزيدەنتى يۋسۋف كاللامەن كەزدەسۋ وتكىزدى, دەپ حابارلايدى قر ۇكىمەتىنىڭ ءباسپاسوز قىزمەتى.
كەزدەسۋ بارىسىندا ەكى ەلدىڭ ەكونوميكا, عىلىم مەن تەحنولوگيالاردىڭ ءتۇرلى سالالارىنداعى ىنتىماقتاستىعىن نىعايتۋ ماسەلەلەرى, سونداي-اق, ەكى ەلدىڭ قارجى جانە ينۆەستيتسيالىق قۇرىلىمدارى اراسىنداعى يسلام بانكينگىنە قاتىستى ماسەلەلەر تالقىلاندى. باقىتجان ساعىنتاەۆ يۋسۋف كاللاعا يىۇ عىلىم جانە تەحنولوگيالار جونىندەگى ءبىرىنشى ءسامميتىنىڭ جۇمىسىنا قاتىسقانى ءۇشىن ريزاشىلىعىن ءبىلدىرىپ, قازاقستان «استانا» حالىقارالىق قارجى ورتالىعىندا يندونەزيانىڭ جەتەكشى يسلام قارجى ۇيىمدارىن ورنالاستىرۋ ارقىلى ىنتىماقتاستىقتى كەڭەيتۋگە, سونداي-اق ورتالىق بازاسىندا قازاقستان مەن يندونەزيانىڭ بىرلەسكەن يسلام قارجى ينستيتۋتتارىن قۇرۋعا نيەتتى ەكەنىن ايتى.
سونىمەن قاتار, مەملەكەت باسشىسى نۇرسۇلتان نازارباەۆتىڭ يسلام ىنتىماقتاستىق ۇيىمى كەڭىستىگىندە ازىق-ت ۇلىك قاۋىپسىزدىگى جۇيەسىن قۇرۋ تۋرالى باستاماسىن ىسكە اسىرۋ تاقىرىبى قوزعالدى. يندونەزيا - الەمدەگى حالىق سانى جاعىنان ءتورتىنشى ەل, ونىڭ 2016 ج. ءجىو كولەمى - 932 ملرد دوللار. ول - الەمدىك ەكونوميكا لوكوموتيۆىنە اينالعان, وڭتۇستىك-شىعىس ازيانىڭ تانىلعان كوشباسشىسى. قازاقستان مەن يندونەزيا اراسىنداعى سىرتقى ساۋدا اينالىمىنىڭ كولەمى 2017 جىلدىڭ 1 جارتىجىلدىعىندا 15,2 ملن دوللاردى قۇراعان, بۇل 2016 جىلدىڭ وسى كەزەڭىندەگى كورسەتكىشتەن 65,3%-عا جوعارى.