«ەكسپو» كورمەسىن وتكىزۋ ارقاسىندا استاناعا 4,5 ملن ادام ساياxاتتاپ كەلگەن. بۇل وتكەن جىلدىڭ سول كەزەڭىمەن سالىستىرعاندا 2,9 ملن ادامعا كوپ, دەپ حابارلايدى قالا اكىمدىگىنىڭ سايتى.
استانا اكىمىنىڭ ورىنباسارى ماليكا بەكتۇروۆانىڭ مالىمەتى بويىنشا تۋريزم سالاسىن دامىتۋ ءۇشىن ەلوردا اكىمدىگى 2020 جىلعا دەيىن تۋريستەر سانىن جىلىنا 2 ملن-عا دەيىن جەتكىزۋدى جوسپارلاپ وتىر.
«تۋريزم سالاسىن دامىتۋ ءۇشىن ءبىز Horwath كومپانياسىمەن جۇمىس ىستەيمىز. تۋريزمگە قاتىستى ازىرلەنگەن جاڭا باعدارلامادا جىلىنا 2 ملن-عا دەيىن تۋريست تارتۋدى كوزدەپ وتىرمىز, ولاردىڭ 1 ملن-نان استامى شەتەلدىك بولماق. وتكەن جىلى تۋريستەردىڭ جالپى سانى 831 مىڭ ادامعا جەتتى. ولاردىڭ 273 مىڭى – شەتەلدىكتەر»,- دەدى ماليكا بەكتۇروۆا.
بۇگىندە اكىمدىك مادەنيەت مينيسترلىگىمەن بىرلەسە وتىرىپ, ەكسپو اياسىندا وتكىزىلگەن شارالاردى تەكسەردى. قازىرگى ۋاقىتتا سوعان وراي جىلىنا xالىقارالىق دەڭگەيدەگى 40 شارانى قامتيتىن ءتىزىم انىقتالۋدا.
«ونىمەن بىرگە ءبىز مادەني جانە سپورتتىق نىساندار بازاسىندا تۋريستەردى تارتۋ ورتالىعىن دامىتۋ ءۇشىن جۇمىس ىستەپ جاتىرمىز. سونداي-اق مۇراجايلاردى جانە ويىن-ساۋىق ورتالىقتاردى دامىتۋدامىز. ءبىز 6 مادەني سپورتتىق نىساندى ىرىكتەپ الدىق: بارىس-ارەنا, استانا-ارەنا, «الاۋ» مۇز ايدىنى, بەيبىتشىلىك جانە كەلىسىم سارايى, «جاستار» سارايى, استانالىق تسيرك. وسى نىسانالاردى سەنىم باسقارماسىنا بەرۋ ارقىلى بيۋدجەت قاراجاتىنىڭ ۇنەمدەلۋى جىلىنا 11,9 ملن دوللاردى قۇرايدى»,- دەدى استانى اكىمىنىڭ ورىنباسارى ماليكا بەكتۇروۆا.