ازاتتىقتى اڭساعان ابىز اقىن

كەردەرى ابۋباكىر بورانقۇل ۇلىنىڭ 150 جىل­دىق مەرەيتويى العا قالاسىندا ءوتتى. ول وتارلىق ەزگىدەن, قۇلدىق بۇعاۋدان ازات بولۋدى, زامان, ادام, ءدىن, ادەت-عۇرىپ, يماندىلىق, حالقىمىزدىڭ تۇر­مىس-تىرشىلىگى, ادامي قادىر-قاسيەتى تۋرالى ولەڭ-تولعاۋلارى قازاق جەرىنە ەڭ كوپ تاراعان اقىن­­داردىڭ ءبىرى. كوپتەگەن وڭىرلەرگە جيىر­ما­سىن­شى عاسىردىڭ باسىندا-اق ءماشھۇر بولعان ونىڭ كەزىندە شورتانباي, مۇرات, دۋلاتتارمان بىرگە زار زامان اكىنى رەتىندە باعالانعانى دا راس. تاۋەل­سىزدىك العاننان كەيىن عانا كەردەرى ءاب­ۋ­باكىر شى­­عارمالارى حال­قى­مەن كەڭىرەك قاۋىش­تى دەسەك, ا­ر­تىق ايت­قان­دىق بولماس. ەڭ ال­دى­مەن كەر­دەرى ءابۋ­باكىر بوران­قۇل­ ۇلى­نىڭ 150 جىل­دى­عىنا ارنالعان عى­لى­مي-ءتاجىري­بەلىك كونفەرەنتسيا وتكىزىلدى. اۋدان اكىمى قاباي سارسەنعاليەۆ كون­فەرەنتسياعا قاتى­سۋ­شىلارعا قۇت­تىقتاۋ ءسوز ارناپ, اقىن ءومىرى مەن شىعارما­شى­لىعى ءجايلى, ۇرپاقتار تاربيەسىندەگى ءمانى مەن ماڭىزى حاقىندا وي ءوربىتتى. ال فيلولوگيا عىلىمدارىنىڭ كانديداتى سەرىك بەرما­عام­بەتوۆ كەردەرى ابۋباكىردىڭ شىعار­ماشىلىق عۇ­مى­رىن تارقاتىپ ايتىپ, ول ءومىر سۇرگەن كەزەڭدى شا­يىر­دىڭ ءوز ولەڭ-تولعاۋ­لارىندا كەزدەسەتىن دەرەكتەرمەن دايەكتەسە, فيلولوگيا عىلىمدارىنىڭ دوك­تورى جۇبانازار اسانوۆ اقىن شىعارما­لارى­نىڭ جانرلىق-تاقىرىپتىق ەرەكشەلىكتەرىنە توقتالدى, ونىڭ شىعارماشىلىق مۇرا­سىنىڭ سان-سالالىعىن تىلگە تيەك ەتتى. وندا تولعاۋ, ارناۋ, جوقتاۋ, سۇرە ايتىس, جازبا ايتىس, جۇمباق ايتىس, ماداق, ساياسي-الەۋمەتتىك فيلوسوفيا, كوڭىل-كۇي ليريكالارى كەزدەسەتىنىن باياندادى. كونفەرەنتسيادا ءسوز العان اقىن اقۇشتاپ باق­تى­گەرەەۆا ءوزىنىڭ كەردەرى ابۋباكىردىڭ اتاجۇرتى بولعان جايىق بويىنىڭ جىرسۇيەر جۇرتىنان ىس­تىق سالەم الىپ كەلگەنىن جەتكىزدى. كەردەرى ءابۋ­باكىر اقىندى حالقىنىڭ مۇڭىن مۇڭداعان, جوعىن جوقتاعان موڭكە بي­دىڭ جالعاسى رەتىندە با­عالاۋى دا جارا­سىم­دى شىقتى. كونفەرەنتسيادا ءسوز ال­عان­دار كەردەرى ءابۋ­ب­اكىردىڭ ەسى­مىن ەستە قالدىرۋ ءۇشىن مەكتەپكە, كوشە­گە اتىن بەرۋدى ۇسىندى. اقىن مەرەيتويى «تاۋەلسىزدىك – ەلىم­نىڭ ەرلىك جولى» اتتى رەسپۋبليكالىق اقىندار ايتى­سىمەن جالعاستى. ەلى­مىز­دىڭ تۇكپىر-تۇكپىرىنەن كەلگەن جيىرمادان استام اقىن­دار ايتىستىڭ كورى­گىن قىز­دىر­دى. الامان اي­تىس­تا اقتوبەنىڭ ابى­رويى اسقاق­تا­دى, شالقارلىق قاينار الاگوزوۆ جە­ڭىم­پاز بولدى. اقىننىڭ 150 جىلدىق مەرەيت­ويى­مەن تۇستاس العا قالاسىنىڭ 50 جىلدىعى اتالىپ ءوتتى. قالا كوشەلەرى توي سالتاناتىنا بولەندى. تاۋەل­سىزدىك ساياباعىنا تىگىلگەن كيىز ۇيلەردە مول داستار­قان جايىلدى, ءان شىرقالىپ, بي بيلەندى. ەڭ باس­تى­سى, كەردەرى ءابۋ­باكىر اتى ماڭگىلىككە قالدى, اقىن بابامىزعا ەسكەرتكىش ورناتىلدى. كوپتەگەن سپورت تۇرلەرىنەن جارىس­تار وتكىزىلدى. سپورت سايىس­تارىنىڭ قورىتىندىسى­مەن جالپى كومان­دالىق ەسەپتە العالىقتار الدارىنا جان سالمادى, ءبىرىنشى ورىن­دى يەلەندى. ەكىنشى جانە ءۇشىنشى ورىندار تەمىر جانە مۇعالجار اۋداندارى­نىڭ ەنشىسىنە بۇيىر­دى. ساتىبالدى ءساۋىرباي, اقتوبە وبلىسى.