الماتىدا جاس سۋرەتشىلەر بايقاۋى ءوتتى

اتالعان جوبانىڭ ءادىل قازىلار القاسى قۇرامىندا ءماجىلىس دەپۋتاتى – قازاقستان رەسپۋبليكاسىنىڭ بالالاردىڭ قۇقىقتارىن قورعاۋ ىستەرى بويىنشا وكىلى – زاعيپا باليەۆا, «عىلىمي-مەديتسينالىق قوعام» قوعامدىق بىرلەستىگىنىڭ ءتورايىمى سۋريا ەسەنتاەۆا, قازاقستان رەسپۋبليكاسى دەنساۋلىق مينيسترلىگىنىڭ قوعامدىق دەنساۋلىق ساقتاۋ كوميتەتىنىڭ سانيتاريالىق-ەپيدەميولوگيالىق ساراپتاما جانە مونيتورينگ عىلىمي-پراكتيكالىق ورتالىعىنىڭ باس ديرەكتورى ەركىن دۇرىمبەتوۆ, قازاقستان رەسپۋبليكاسىنداعى Pfizer Export B.V. كومپانياسىنىڭ ۆاكتسينا دەپارتامەنتiنiڭ مەڭگەرۋشىسى شۋكاەۆا اسەل, قازاقستان سۋرەتشىلەر وداعىنىڭ مۇشەسى, سۋرەتشى مارات بەكەەۆ, مۋزىكالىق پروديۋسەر, مۋزىكانت نۇرلان قاراجىگىتوۆ, پروديۋسەر, تەلەجۇرگىزۋشى سەرىك اقىشەۆ  بولدى.

ء«وز دەنساۋلىعىڭا  قامقور بولۋ – بۇل  بالالاردى ەرتە جاستان تاربيەلەۋگە قاجەتتى مادەنيەتتىڭ, ءومىر سالتىمىزدىڭ ءبىر بولىگى. بۇل جوبانى وتە جاقسى  باستاۋ دەپ قاراستىرۋعا بولادى. ءبىز ۇلكەن ازاماتتىق ەرلىككە ۇمتىلىپ, تۇرعىندار اراسىندا  مەديتسينالىق  ساۋاتتىلىقتى كوتەرۋ باعىتىندا بەلسەندى جۇمىس ىستەۋىمىز كەرەك جانە اعارتۋ-الەۋمەتتىك جوبالارىنا قازاقستاننىڭ بولاشاعىنا جاناشىر ادامداردىڭ بارلىعىن قاتىستىرۋ كەرەك», دەدى ءماجىلىس دەپۋتاتى زاعيپا باليەۆا.

كونكۋرسقا 3-8 جاس ارالىعىنداعى بالالار قاتىستى. اتالعان ەرتەگى جانە كونكۋرس شارتتارى الدىن الا www.konkurs.nmo.kz سايتىندا جاريالانعان ەدى. بالالار ۇسىنىلعان بەس تاقىرىپتىڭ بىرەۋىن تاڭداپ ءوز ونەر تۋىندىسىن ەلەكتروندىق مەكەنجايعا جىبەرۋ مۇمكىندىگىنە يە بولدى. سونىمەن قاتار, كونكۋرس اياسىندا الماتى, استانا, اقتاۋ, قاراعاندى, شىمكەنت قالالارىنىڭ ءىرى ساۋدا ورتالىقتارىندا سۋرەت سالۋعا ارنالعان بالالار الاڭدارى ۇيىمداستىرىلدى.

ەرتەگى كىتاپ 2017 جىلى 17-18 قاراشاسىندا الماتى قالاسىندا وتەتىن «سەنۋ جانە ءومىر ءسۇرۋ» الەۋمەتتىك-مەديتسينا فورۋمى جۇمىسىنىڭ اياسىندا كوپشىلىككە تانىستىرىلادى.

قازىرگى ۋاقىتتا بايقاۋدىڭ ۇيىمداستىرۋشىلارى ەرتەگى كىتاپتى ەمحانالار جانە كىتاپحانالاردا تەگىن تاراتۋ جۇمىستارىن ۇيىمداستىرىپ جاتىر.

باعاشار تۇرسىنباي ۇلى, «ەگەمەن قازاقستان»