تۇمەن وبلىسى نازارباەۆ ۋنيۆەرسيتەتىنىڭ تاجىريبەسىنە قىزىعۋشىلىق تانىتۋدا

اسەت يسەكەشەۆ پەن ۆلاديمير ياكۋشەۆ ەكى قالا اراسىنداعى ىنتىماقتاستىق الەۋەتتەرىن تالقىلادى.

زاماناۋي تۇمەن – مۇناي سەرۆيسىنىڭ ء(ونىمدى الۋ جانە تاسىمالداۋ), ماشينا قۇرىستىرۋدىڭ ءداستۇرلى ورتالىعى. تۇمەن وبلىسى بۇگىندە ەلىمىزدىڭ شەكارالاس ايماعى – سولتۇستىك قازاقستان وبلىسىمەن بەلسەندى ءوزارا ارەكەتتەسەدى.

ەكى كۇنگە جالعاساتىن كەزدەسۋدىڭ اياسىندا وبلىس اكىمشىلىگى ەكسپو-2017 كورمەسىنە بارۋدى جوسپارلاۋدا. اتاپ ايتقاندا قوناقتار رەسەي, فرانتسيا, گەرمانيا, تمد ەلدەرى, قازاقستان جانە قىتاي ەلدەرىنىڭ پاۆيلوندارىنا ەرەكشە قىزىعۋشىلىق تانىتىپ وتىر.

وڭىردە ينۆەستيتسيالىق ساياساتتى دامىتۋ وبلىس باسشىلىعىنىڭ الەۋەتتى باعىتتارىنىڭ ءبىرى بولىپ تابىلادى. وسىعان بايلانىستى شامامەن 50 بيزنەسمەن استاناعا تۇمەن وبلىسىنان قازاقستاندىق كاسىپورىندارمەن بايلانىس ورناتۋ ءۇشىن كەلدى. تۇمەن وبلىسىنىڭ دامۋىنىڭ باستى قوزعاۋشىسى – ءبىلىم. وسىعان وراي دەلەگاتسيا نازارباەۆ ۋنيۆەرسيتەتىنە بارۋدى جوسپارلاپ وتىر.  مەملەكەت باسشىسىنىڭ تاپسىرماسى بويىنشا استانادا 2020 جىلعا دەيىن قالانى دامىتۋ باعدارلاماسى جۇمىس ىستەيدى, سوعان وراي شاھار اقىلى جانە قاۋىپسىز قالا رەتىندە قالىپتاسىپ, ءوڭىر اياسىندا ينۆەستورلار مەن يننوۆاتسيا ءۇشىن وڭىرلىك حالىقارالىق ورتالىق بولماق.

قالانىڭ نەگىزگى بولىگى بوس اۋماقتا سالىنعان. ءبىز اۋەجايدان تۇسە سالىسىمەن بۇل شاھاردىڭ جاڭا ينفراقۇرىلىمعا تولى ەكەنىن كوردىك, ساۋلەتى كەرەمەت. ەندىگىدە قالانى تولىعىمەن ارالايمىز», - دەدى رەسەيلىك گۋبەرناتور.