- ءبىز ويىندى جاقسى باستادىق. دوپقا كوبىرەك يەلىك ەتىپ, ماتچتى ءوز باقىلاۋىمىزدا ۇستادىق. «استانا» العاشقى ويىندا ءىرى ەسەپپەن جەڭىلگەنىنە قاراماستان سوڭىنا دەيىن كۇرەستى. قۇرمەتكە لايىق كوماندا. ءبىرىنشى گولدى ابايسىزدا جىبەرىپ الدىق. ەسەپ تەڭەسكەننەن كەيىن ويىنشىلارىم وزدەرىن ەركىن ۇستاي باستادى. ماتچ 4:1 بولعان شاقتا جاعدايىمىز قيىنداي ءتۇستى. بىراق ەكىنشى گولدى سالعاننان كەيىن ءوزىمىزدى جايلى سەزىنە باستادىق.
- ماتچتاعى ەڭ ايتۋلى ءسات دەپ قاي كەزدى ايتار ەدىڭىز؟
- ءبىزدىڭ ەكىنشى گولدى سالعان ءساتىمىز دەر ەدىم. ەكىنشى گولدان كەيىن ويىن مۇلدەم باسقا باعىتتا ءوربىدى. قىسىمنان دا قۇتىلدىق. ءۇشىنشى گولدان كەيىن ءبارى ءوز ورنىنا تۇسكەننەن كوپ كۇتتىرمەدى. بەينە ءبىر كامبەك جاسايتىنداي كورىندى.
– العاشقى ويىنعا قاراعاندا «استانا» سىزدەردى تاڭ قالدىردى ما؟ ءتورتىنشى گول سوعىلعاننان كەيىن قورقىنىش بولمادى ما؟
- ءبىرىنشى ويىنداعى ەسەپتەن كەيىن بىزدە سەنىمدىلىك بار ەدى. بىراق «استانانىڭ» ويىنشىلارى ۇلكەن ۇمىتپەن شىققانى كورىنىپ تۇردى. ەكىنشى تايمنىڭ جيىرما مينۋتى بىزگە وتە اۋىر بولدى.
- «استانا» ەۋروپا ليگاسىندا قانداي دەڭگەيدە ونەر كورسەتەدى دەپ ويلايسىز؟
- ەۋروپا ليگاسىندا دا «ميلان», «ساۋتگەمپتون» سەكىلدى ۇزدىك كوماندالار بار. «استانا» وسىنداي ويىنىمەن ءبىراز جەرگە باراتىنى انىق. سەبەبى, ءوز الاڭىندا ولاردان ۇپاي الۋ مۇمكىن ەمەس دەسەم دە بولادى. «استاناعا» تەك ساتتىلىك تىلەيمىن.
- چەمپيوندار ليگاسىنا جولداما الدىڭىزدار. بۇل «سەلتيككە» قانشالىقتى پايداسىن تيگىزەدى دەپ ويلايسىز؟
- چەمپيوندار ليگاسى ەۋروپانىڭ ەڭ باستى ءتۋرنيرى عانا ەمەس. سونىمەن قاتار, ەلدەگى فۋتبولدى دامىتۋدىڭ بىردەن ءبىر جولى. مۇندا جەردە تەك ۇزدىكتەر عانا ونەر كورسەتەدى. بۇل ءوز كەزەگىندە كوماندانىڭ دەڭگەيىن ارتتىرۋىنا سەپتىگىن تيگىزەرى انىق.
- كوۋتينونمەن ءبىراز ۋاقىت جۇمىس ىستەدىڭىز؟ وعان «بارسەلونانىڭ» ۇسىنىپ وتىرعان 150 ملن ەۋروعا لايىق دەپ ويلايسىز با؟
- «ليۆەرپۋل» ۇزدىك كوماندالاردىڭ ءبىرى. ال كوۋتينو وتە تالانتتى ويىنشى. سوندىقتان ونى «ليۆەرپۋلدە» قالادى دەپ ۇمىتتەنەمىن.
ايتا كەتەيىك, چەمپيوندار ليگاسىنىڭ پلەي-وفف كەزەڭىنىڭ جاۋاپتى ويىنىندا «استانا» ءوز الاڭىندا شوتلانديانىڭ «سەلتيك» كومانداسىن قابىلداپ, 4:3 ەسەبىمەن جەڭىسكە جەتتى. الايدا, قوس ماتچتىڭ قورىتىندىسى بويىنشا شوتلانديالىق ۇجىم چەمپيوندار ليگاسىنىڭ توپتىق كەزەڭىنە جولداما الدى. گلازگودا وتكەن ويىندا ەلوردالىقتار 0:5 بولىپ ەسە جىبەرگەن بولاتىن.
ايان ءابدۋالي, «ەگەمەن قازاقستان»