فرانتسيانىڭ پاريج قالاسىندا كۇرەس تۇرلەرىنەن ءوتىپ جاتقان الەم چەمپيوناتىنىڭ ەكىنشى كۇنى گرەك-ريم كۇرەسىنەن 59 كەلى سالماقتا سىنعا ءتۇسىپ جاتقان بالۋانىمىز مەيرامبەك ايناعۇلوۆ شيرەك فينالعا شىقتى, دەپ حابارلايدى قازاقپارات.
ول قارسىلاسىن بار بولعانى 29 سەكۋندتا 8:0 ەسەبىمەن ۇتىپ شيرەك فينالعا جولداما الدى.
سونداي-اق, وتانداسىمىز وسى الەم بىرىنشىلىگىندەگى قارسىلاسىن ەڭ جىلدام ۇتقان بالۋانداردىڭ ءبىرى اتاندى.
ەستەرىڭىزگە سالا كەتەيىك, كەشە الەم بىرىنشىلىگىنىڭ العاشقى كۇنى كۇرەستىڭ وسى تۇرىنەن 71 كەلى سالماقتاعى بالۋانىمىز دەمەۋ جادىراەۆ كۇمىس جۇلدەنى جەڭىپ الىپ, قازاقستان قورجىنىنا العاشقى جۇلدەنى سسىيلاعان بولاتىن. ول فينالدا نەمىس بالۋانىنا 8:3 ەسەبىمەن ۇتىلىپ قالدى.