وتكەن دەمالىس كۇندەرى كانادانىڭ ونتاريو قالاسىندا مانەرلەپ سىرعاناۋ سپورتىنان ەلدەردىڭ سپورت كلۋبتارىنىڭ جارىستارى اياقتالدى.
ەرىكتى جانە قىسقا باعدارلاما بويىنشا, قازاقستاندىق سپورتشى ەليزابەت تۇرسىنباەۆا جارىس كەستەسىندە جوعارىلاي ءتۇستى.
بارشاعا ءمالىم - ەليزابەت 2013 جىلدان بەرى اتاعى جەر جارىپ تۇرعان كانادالىق مانەرلەپ سىرعاناۋشى برايان ورسەردىڭ تاربيەسىن الىپ ءجۇر. الايدا قازاقستان اتىنان ونەر كورسەتەدى.
ەليزابەتتىڭ اكەسى بايتاق تۇرسىنباەۆتىڭ ايتۋىنشا, وسى جولعى تۋرنيردە كانادانىڭ ەڭ مىقتى دەگەن مانەرلەپ سىرعاناۋشىلارى ونەر كورسەتكەن. ليزا Toronto CS&CC كلۋبىندا ونەر كورسەتتى. قىسقا باعدارلامادا ول 59,00 ۇپاي, ال ەرىكتى باعدارلامادا 106,22 ۇپاي جينادى.
قورىتىندى 165,30 ۇپاي قازاقستاندىق سپورتشىعا ءوزىنىڭ بارلىق قارسىلاستارىنىڭ الدىنا شىعۋعا مۇمكىندىك بەردى. ەكىنشى ورىندا اماندا توبين (152,95), ءۇشىنشى ورىندا ەمي دەسەل (151,97).