گەرمانيانىڭ جاس ستارتاپشىلارى ەكسپو-2017 حالىقارالىق كورمەسىندە ەلەكتروموبيلدى قۋاتتاندىراتىن «اقىلدى» جۇيەنى تانىستىردى. كومپانيا جەتەكشىسى نيكلاس شيرمەردىڭ ايتۋىنشا, بۇل يننوۆاتسيالىق جوبا شاراعا كەلۋشىلەردى, ەنەرگەتيكا سالاسىنداعى مامانداردى ەرەكشە قىزىقتىرۋدا.
مامانداندىرىلعان كورمە ارقىلى نەمىس ونەرتاپقىشتارى جاڭا ارىپتەستەرىن ىزدەستىرۋ ۇستىندە.
ء«بىزدىڭ كومپانيا ەلەكتروموبيلدى قۋاتتاندىراتىن قولايلى جۇيەنى ويلاپ تاپتى. بۇل جاڭالىقتىڭ تارتىمدى تۇسى, كابەل تارتىلعان كەز كەلگەن جەلىنى ەنەرگيا كوزى رەتىندە قولدانا الادى. ارنايى روزەتكانى شام باعاناسىنا ورناتسا دا جەتىپ جاتىر. جوبامىزدى ەكسپو كورمەسى الاڭىندا ۇسىنعاندى ءجون كوردىك جانە سوعان قۋانىشتىمىز. گەرمانيا پاۆيلونىندا جاڭا تەحنولوگيامىزدى تانىستىرۋعا تولىق مۇمكىندىك جاسالدى. بىلۋىمىزشە, استانادا ازىرشە ەلەكتروموبيلدەر از ەكەن. بىراق بولاشاقتا باس شاھاردىڭ زاماناۋي قالاعا اينالاتىنىن ەسكەرسەك, بۇل ونەرتابىس كۇندەلىكتى ومىردە ۇلكەن سۇرانىسقا يە بولۋى مۇمكىن», دەيدى «Ubitricity» كومپانياسىنىڭ جەتەكشىسى ن.شيرمەر.
اسحات رايقۇل,
"ەگەمەن قازاقستان"