«14-20 تامىز كۇندەرى ەكسپو حالىقارالىق مامانداندىرىلعان كورمەسىنە 345 445 ادام, ياعني ورتا ەسەپپەن كۇنىنە 49 349 ادام كەلدى. وتكەن اپتامەن سالىستىرعاندا كەلۋشىلەر سانى 14 مىڭ ادامعا ارتقان. 10 ماۋسىم مەن 20 تامىز ارالىعىندا ەكسپو-2017 كورمەسىنە 2 779 820 ادام كەلدى», - دەپ حابارلادى «استانا ەكسپو-2017» ۇق» اق ءباسپاسوز قىزمەتى.
بۇدان بۇرىن 4 تامىز كۇنى ورال قالاسىنىڭ تۇرعىنى عايسا جۇماليەۆ «ەكسپو-2017» كورمەسىنىڭ ەكى ميلليونىنشى كەلۋشىسى اتانىپ, ۇلتتىق كومپانيا باسشىسى احمەتجان ەسىموۆ كەلۋشىنى ارنايى قۇتتىقتاعان بولاتىن. ءباسپاسوز قىزمەتىنىڭ مالىمەتىنشە, ەكسپو قوناقتارى ەڭ كوپ تاماشالاعان پاۆيلوندار اراسىندا – افريكا پلازاسى, ەگيپەت,تۇركيا العاشقى ۇشتىكتىڭ قاتارىندا بولسا, ودان كەيىنگى ورىندارعا تايلاند, ازەربايجان, ءۇندىستان, رەسەي, وزبەكستان, جاپونيا, ساۋد ارابياسى كورولدىگى رەتىمەن جايعاسقان.