جالعان تولقۇجاتپەن ۇلىبريتانياعا وتپەك بولعان سيريالىق ەكى ازامات استانا-لوندون اۋەرەيسى كەزىندە ۇستالدى.
«استانا» شەكارالىق باقىلاۋ ءبولىمىنىڭ جاساعى تەكسەرۋگە بولگاريا ازاماتى تولقۇجاتىن ۇسىنعان سيريانىڭ ەكى ازاماتىن انىقتادى. بۇل تۋرالى قر ۇقك شەكارا قىزمەتى حابارلايدى.
«قۇجاتتار قولدان جاسالعان. ۇستالعانداردىڭ ايتۋىنشا, ولار ۇلىبريتانياعا وتپەكشى بولعان», - دەپ حابارلادى ۆەدومستۆونىڭ ءباسپاسوز قىزمەتىندە. بۇل وقيعا بويىنشا قۇقىق قورعاۋ ورگاندارى مەن ءوزارا بىرگە جۇمىس ىستەيتىن ورگاندار وكىلدەرى حاباردار ەتىلدى.