اۆتوكولىك جولدارىن جوندەۋ جۇمىستارىنا بايلانىستى استانا قالاسىنداعى بىرنەشە كوشەدە كولىك قوزعالىسى شەكتەلەدى, دەپ حابارلايدى قالا اكىمدىگىنىڭ مەديا ورتالىعى.
تاۋەلسىزدىك داڭعىلى بويىنشا تاشەنوۆ كوشەسىنەن قاجىمۇقان كوشەسىنە دەيىنگى ۋچاسكەدە اسفالتبەتوندى جابدىقتى قايتا توسەۋ جۇمىستارى جۇرگىزىلۋىنە بايلانىستى 18 تامىز كۇنى ساعات 21.00-دەن 20 تامىز كۇنگى ساعات 06.00-گە دەيىن جول كولىك قوزعالىسىنا ءىشىنارا شەكتەۋ قويىلادى.
سونىمەن قاتار, اۆتوكولىك جولدارىنىڭ ورتاشا جوندەۋ جۇمىستارى اياسىندا ەلوردادا ايعانىم كوشەسى بويىنشا قورعالجىن تاس جولىنان ۇلبيكە اقىن كوشەسىنە دەيىنگى ۋچاسكەدە جوندەۋ جۇمىستارىن جۇرگىزۋ جوسپارلانۋدا. وسىعان بايلانىستى 19-27 تامىز ارالىعىندا اتالعان ۋچاسكەدە كولىك قوزعالىسى ءۇشىن جول جابىلادى.
استانا تۇرعىندارى مەن قوناقتارىنا قالا جولدارىندا كەپتەلىس جاعدايلارىنا تاپ بولماس ءۇشىن ءجۇرۋ مارشرۋتتارىن الدىن الا جوسپارلاپ الۋعا كەڭەس بەرىلەدى.