ۆيتسە-پرەمەر وسى ورايدا اقتوبەدە پرەزيدەنتتىڭ تاپسىرماسىنا سايكەس بارلىق شارالار الىنعانىنا كوز جەتكىزدى. قازىرگى كۇنى «نۇر اقتوبە» تۇرعىن-ءۇي اۋماعىنداعى قۇرىلىس جۇمىستارى قارقىندى جۇرگىزىلىپ كەلەدى. سونداي-اق, قانات قاقتى جوبا ءبىرىنىشى كەزەكتە قۇرىلىس ساپاسىنا ايىرىقشا ءمان بەرىلۋىمەن ەرەكشەلەنەتىنىن اتاپ ايتقان ءجون. تۇتاستاي العاندا وبلىس ورتالىعىنىڭ شاعىن اۋداندارىندا 2017-2018 جىلدارى 423 از قاباتتى جەكە تۇرعىن-ءۇي قۇرىلىستارى بوي كوتەرمەك. ونىڭ نەگىزگى بولىگى بيىلعى جىلدىڭ ەنشىسىنە تيەدى. بيىل باعدارلاماعا سايكەس مىڭنان استام وتباسى تۇرعىن-ءۇي جاعدايلارىن جاقسارتادى دەپ كۇتىلۋدە.
وڭىردەگى «نۇرلى جەر» تۇرعىن-ءۇي باعدارلاماسىنىڭ تاعى ءبىر باستى وزگەشەلىگى الەمدىك نورماتيۆتەرگە سايكەس كەلەتىن «تاۋن حاۋس» ۇلگىسىندەگى 3-4 قاباتتى ۇيلەر ەكەنىن اقتوبە وبلىسىنىڭ اكىمى بەردىبەك ساپارباەۆتىڭ اۋزىنان ەستىگەندە اسقار ءماميننىڭ جۇزىنەن ريزاشىلىق سەزىمى ايقىن بايقالدى.
پرەمەر-ءمينيستردىڭ ءبىرىنىشى ورىنباسارى اسقار ءماميننىڭ كوكەيىندە جەكە تۇرعىن-ءۇي قۇرىلىسىن سالۋ ءۇشىن وڭىردە قانشا ادام كەزەكتە تۇرعاندىعى جونىندەگى ساۋال تۇرعان ەكەن. ولاردىڭ سانى 130 000 بولىپ شىقتى. ونىڭ نەگىزىگى بولىگى اقتوبە قالاسىنىڭ تۇرعىندارى. بۇل ساناتتاعى ازاماتتىردىڭ باسىم بولىكتەرى تۇرعىن-ءۇي قۇرىلىس جيناق بانكىندە ءتيىستى قاراجاتتارىن جيناقتاعان. دەنى وزدەرىنىڭ تولەم قابىلەتتىلىگىن ايقىنداپ, ءارى دالەلدەپ ۇلگەرەگن. ءبىزدىڭ ماقساتىمىز –قۇرىلىستى تەز, ءارى ساپالى انىقتاپ, تۇرعىن-ءۇي كەزەگىندە تۇرعانداردىڭ قولدارىنا تيگىزۋ دەپ مالىمدەدى وبلىس باسشىسى بەردىبەك ساپارباەۆ پرەمەر-ءمينيستردىڭ ءبىرىنىشى ورىنباسارى اسقار مامينگە.
بۇعان مۇمكىندىكتەرىڭ جەتە مە دەگەن ساۋالعا دا تولىقاندى جاۋاپ قايتارىلدى. بۇگىنگى كۇنى بۇل ىسكە وڭىردەگى 130-دان استام قۇرىلىس كومپانيالارى مەن قۇرىلىس يندۋسترياسى كاسىپورىندارى ءبىر كىسىدەي جۇمىلعان. ماتەريالدىڭ 80پايىزى جەرگىدىكتى جەردە وندىرىلىتەنى دە قۇرىلىستىڭ وزىندىك قۇنىن تومەندەتە تۇسەرى انىق. وبلىستا تۇرعىن-ءۇي قۇرىلىسىن سالۋمەن قاتار, ەل-جۇرتقا قاجەتتى ينفراقۇرىلىمدىق جۇيەلەر دە قۇلاشىن كەڭگە جايا تۇسۋدە. «نۇرلى جەر» باعدارلاماسى اياسىندا تۇرعىزىلعان جەكە تۇرعىن-ۇيلەر اۋماعىندا 1200 ورىندىق ورتا مەكتەپ پەن بالالار باقشاسى جانە تاۋلىگىنە 300 ادامدى قامتي الاتىن ەمحانا قۇرىلىستارى مەملەكەت-جەكەمەنشىك ارىپتەستىگى اياسىندا بوي كوتەرمەك. جۇمىس بابىنداعى ساپارى بارىسىندا پرەمەر-ءمينيستردىڭ ءبىرىنىشى ورىنباسارى «نۇرلى جەر» تۇرعىن-ءۇي باعدارلاماسى اياسىندا قۇرىلىسى اياقتالعان ۇيلەردى ارالاپ كورىپ, ونىڭ ساپاسىنا, سىرتقى جانە ىشكى ينتەرەرىنە وڭ باعا بەردى.
بۇدان كەيىنگى كەزەكتە ول وسى ارادا وندىرىستىك جينالىس وتكىزىپ, اقتوبە وڭىرىندە «نۇرلى جەر» باعدارلاماسى بويىنشا تىندىرىلىپ جاتقان سانالۋان ىستەر بۇكىل رەسپۋبليكا وڭىرلەرىنە ۇلگى, ونەگە جانە مودەل بولا الاتىنىنا ەكپىن ءتۇسىردى. اسىرەسە مۇنداعى ساپا مەن قولجەتىمدى باعانىڭ ۇيلەسىمدىلىگىنە ەشقانداي باعا جەتپەيدى دەپ اتاپ كورسەتتى پرەمەر-ءمينيستردىڭ ءبىرىنىشى ورىنباسارى اسقار مامين.
جوعارىدا ايتىلعان وندىرىسىتىك جينالىسقا ەلىمىزدىڭ بارلىق وبلىستارىنداعى وبلىس اكىمدەرىنىڭ قۇرىلىس ماسەلەلەرىن قاداعالايتىن ورىنباسارلارى قاتىسقان ەدى. ولار اقتوبەدە «نۇرلى جەر» باعدارلاماسىنا قاتىستى جۇزەگە اسىپ جاتقان تىڭ ءارى سونى جوبالاردان ءتيىستى وي ءتۇيىپ قايتقاندارىنا كۇمان كەلتىرە المايمىز. سونداي-اق وسى باسقوسۋ كەزىندە وبلىستاعى «نۇرلى جەر» باعلارداماىنىڭ ىسكە اسۋىنا ءۇي قۇرىلىسى كومبيناتىنىڭ تەحنولوگياسى ۇلكەن كومەگىن تيگىزگەنى اتاپ ءوتىلدى. بۇعان تاعى ءبىر قوسارىمىز اتالمىش جينالىستا قاراعاندى, پاۆلودار, سولتۇستىك قازاقستان وبلىستارى مەن استانا قالاسىندا «نۇرلى جەر» باعدارلاماسى بويىنشا بولىنگەن قاراجاتتاردى يگەرۋ باياۋ ەكەنى دە اتالىپ ءوتتى.
ءبىر سوزبەن ايتقاندا اقتوبە وبلىسىنداعى ەكى كۇندىك جۇمىس ساپارىمەن بولعاندا پرەمەر-ءمينيستردىڭ ءبىرىنىشى ورىنباسارى اسقار ءماميننىڭ تۇجىرىمى ناقتى ءارى قىسقا تۇردە كورىنىس تاپتى. ياعني, ونىڭ ويىنشا قازىرگى كەزدە اقتوبە –«نۇرلى جەردىڭ» رەسپۋبليكا وبلىستارى اراسىنداعى باستى ۇيلەستىرۋشى بۋىنى بولىپ وتىر.
تەمىر قۇسايىن, «ەگەمەن قازاقستان»