اسا اۋىر سالماقتاعى قازاقستاندىق بوكسشى رۋسلان مىرساتاەۆتىڭ «ەكسپو-2017» حالىقارالىق كورمەسى اياسىندا ۇيىمداستىرىلعان بوكس كەشىندەگى قارسىلاسى انىقتالدى.
«رۋسلان مىرساتاەۆ اقش بوكسشىسى مايك بولوگۋنمەن قولعاپ تۇيىستىرەتىن بولادى. مايك بولوگۋن كاسىبي مانسابىندا 11 كەزدەسۋىنىڭ 8-ءىن نوكاۋتپەن اياقتاعان جانە بىردە-ءبىر رەت جەڭىلىپ كورمەگەن», - دەپ حابارلادى Qazaq promotions كومپانياسىنىڭ ءباسپاسوز قىزمەتى.
دەگەنمەن, امەريكالىق بوكسشى ءۇشىن 9 قىركۇيەكتەگى كەزدەسۋ ونىڭ اقش اۋماعىنان تىس وتكىزەتىن العاشقى جەكپە-جەگى بولماق.
رۋسلان مىرساتاەۆ حالىقارالىق سپورت شەبەرى, وليمپيادا ويىندارىنىڭ شيرەك ءفيناليسى. «استانا ارلانستىڭ» بەس ماۋسىمىندا سىنعا تۇسكەن سپورتشى ءوزىن جاقسى قىرىنان تانىتىپ ۇلگەردى. كاسىبي رينگتە ءۇش كەزدەسۋ وتكىزىپ, بارىندە دە باسىم ءتۇستى. اتاقتى اۋىر سالماقتاعى بوكسشى ولەگ كوۆالچۋكتىڭ قول استىندا جاتتىعىپ جاتىر.