فەستيۆال – الەم حالىقتارىنىڭ بارلىق بيلەرىن باعىندىرعان كەمەڭگەر ءبيشى ماحمۋد ەسامباەۆتىڭ قۇرمەتىنە ارنالعان. ءداستۇرلى تۇردە وتكىزىلەتىن شاراعا ارميان, ءازىربايجان, داعىستان بي ۇجىمدارى اتسالىستى. سونىمەن قاتار, قولداۋ كورسەتۋگە كەلگەن كورەرمەندەر اراسىندا لەزگين, نەمىس, ۋكراين, قازاق, بەلارۋس ەتنوستىق توپتار وكىلدەرى بولدى.
كاۆكاز حالقى بيلەرىنىڭ فەستيۆالىندە «ناستروەنيە», «شادۆال», «التاير», «نۇر» جانە «جورعا» بي انسامبلدەرى ءوز ونەرلەرىن كورسەتىپ, شەشەن جانە ينگۋش «ۆايناح» ەتنومادەني بىرلەستىگىنىڭ مۇشەسى – يسلام مۋزاەۆ, ارميان «ەحپايرۋتيۋن» ەتنومادەني بىرلەستىگىنىڭ مۇشەسى – ارمەن سااكيان, لەزگين «سامۋر» ەتنومادەني بىرلەستىگىنىڭ مۇشەسى – مارينا بايراموۆا كورەرمەندەرگە ءار ءتۇرلى تىلدە ءان ورىنداپ, ەرەكشە كوڭىل كۇي سىيلادى.
شارادا تاريحي وتانعا دەگەن قۇرمەت, ۇلتتىق ءداستۇر مەن ونەر, ءبىر شاڭىراق استىنداعى ۇلتتار تاتۋلاستىعى كورىنىس تاپتى. فەستيۆال سوڭىندا قاتىسۋشىلار ارنايى العىس حاتتارمەن جانە قۇندى سىيلىقتارمەن ماراپاتتالدى.
گۇلايىم شىنتەمىرقىزى,
ماڭعىستاۋ وبلىسى