«EXPO 2017» كورمەسىنىڭ اياسىندا ۇيىمداستىرىلىپ وتىرعان «EXPO 2017 Football Cup» حالىقارالىق ءتۋرنيرى 5-6 تامىز كۇنى وتەدى.
«استانا ارەنا» ستاديونىندا قازاقستان, رەسەي, يتاليا, گەرمانيا, پورتۋگاليا قۇرامالارى, سونىمەن قاتار جۇلدىزدار قۇراماسى كەزدەسەدى.
تۋرنير – ماسكەۋلىك «اڭىزدار كۋبوگىنىڭ» بالاماسى. رەسەيلىك شاراعا جاقىندا كارەراسىن اياقتاعان وتكەن جىلداردىڭ بەلگىلى ويىنشىلارى قاتىسادى. ال مۇنداي اۋقىمدى سپورت جارىسى قازاقستان ورتالىعىندا تۇڭعىش رەت ۇيىمداستىرىلىپ وتىر.
دينو بادجو, ماركو دەلۆەككيو, نۋنۋ مانيشە, جان-پەر پاپەن, رومان شيروكوۆ, ۆالەري كارپين, الەكساندر فيليمونوۆ جانە باسقا ويىنشىلار جانكۇيەرلەردى ونەرىمەن قۋانتپاق. قازاقستان اتىنان يگور اۆدەەۆ, اندرەي كارپوۆيچ, قايرات اۋباكىروۆ, مۇرات تىلەشوۆ, اندرەي فينونچەنكو سەكىلدى وتاندىق فۋتبولدىڭ ارداگەرلەرى الاڭعا شىعادى.
4 تامىز كۇنى 16:00-دە «استانا ەكسپو-2017» مەديا-ورتالىعىندا تۋرنير مۇشەلەرىنىڭ قاتىسۋىمەن ءباسپاسوز ءماسليحاتى باستالادى, ال 17:00-دە كورمە اۋماعىندا فۋتبولشىلار جانكۇيەرلەرمەن كەزدەسىپ, قولتاڭبا سەسسياسىن وتكىزەدى.
5 تامىز كۇنى 12:00 مەن 18:30 ارالىعىندا توپتىق كەزەڭ ويىندارى, ال 6 تامىزدا 14:30 بەن 17:40 ارالىعىندا پلەي-وفف سەرياسىنىڭ ويىندارى مەن ماراپاتتاۋ سالتاناتى جۇرەدى.
سونىمەن قاتار 6 تامىز كۇنى 12:00 مەن 13:00 ارالىعىندا بالالار مەن جاسوسپىرىمدەر سپورت مەكتەبىنىڭ تاربيەلەنۋشىلەرى ءۇشىن ويىنشىلاردىڭ قاتىسۋىمەن ارنايى شەبەرلىك سىنىبى ۇيىمداستىرىلاتىن بولادى.
ءتۋرنيردىڭ ۇيىمداستىرۋشىسى ءاليا ادامباەۆانىڭ ايتۋىنشا, شەبەرلىك سىنىبىنا قازاقستاننىڭ ءتۇرلى ايماعىنان كەلگەن فۋتبولمەن اينالىساتىن 300-دەي بالا قاتىسادى. ولاردىڭ اراسىندا بالالار ۇيلەرىنىڭ تاربيەلەنۋشىلەرى دە بولادى.
«بالالاردى «EXPO 2017 Football Cup» شاراسىنا قاتىسقان ءار كوماندادان 2 ويىنشى جاتتىقتىرادى. ناتيجەسىن جەكسەنبى, ياعني 6 تامىز كۇنى الاڭدا بالالارمەن الەمدىك بەدەلى بار 12 ويىنشى جۇمىس ىستەيتىن بولادى. ءار ويىنشىنىڭ بەلگىلى ءبىر ءوز فۋنكتسياسى بار ەكەنىن اتاپ وتكىم كەلەدى: بىرەۋلەرى بالالاردى دوپتى دۇرىس بەرۋگە, ەندى ءبىرى سوققى تەحنيكاسىنا ۇيرەتەدى», - دەيدى ول.
ادامباەۆا بالالار توبىنىڭ اۋىسىپ, ءبىر جاتتىقتىرۋشىدان ەكىنشىسىنە ءوتىپ وتىراتىنىن ايتتى. «ەكى تانىمال فۋتبولشى ءار كوماندامەن بولەك جۇمىس جاساپ ۇلگەرەتىن بولادى», - دەيدى ۇيىمداستىرۋشى.
«EXPO 2017 Football Cup» ءتۋرنيرىنىڭ رەسمي وكىلى ايدىن قوجاحمەتتىڭ سوزىنە قاراعاندا, شارا «كورمەلىك» سيپاتقا يە ەكەن. «فۋتبولشىلار الاڭعا وزدەرىن ەركىن سەزىنىپ شىعادى, ولاردىڭ ماقساتتارى بىرەۋ-اق – شەبەرلىكتەرىن كورسەتۋ. بۇل – ەستەتتەرگە ارنالعان وقيعا. سپورتشىلار بابىندا, دوپپەن قالاي كەرەمەت جۇمىس ىستەۋ كەرەكتىگىن بىلەدى», - دەدى ول استانادا وتكەن ءباسپاسوز ءماسليحاتى بارىسىندا.
سونداي-اق ساراپشى تۋرنيرگە قازاقستان كومانداسىنىڭ تۇڭعىش رەت قاتىسىپ وتىرعانىنا ءمان بەرىپ ءوتتى. «بۇل – ءبىز ءۇشىن ۇلكەن قادام, وسىعان دەيىن اڭىزدار كۋبوگىنا قاتىسىپ كورگەن جوق ەدىك», - دەدى قوجاحمەت.
ءتۋرنيردىڭ باس مەنەدجەرى, «نيۋ سپورت» سپورت اگەنتتىگىنىڭ پرەزيدەنتى تامەرلان كۋريەۆ ءوز كەزەگىندە اتالعان شارانىڭ وتۋىنە مۇرىندىق بولعان العىشارتتار تۋرالى ايتىپ بەردى. «2009 جىلدان بەرى اڭىزدار كۋبوگىنا ونداعان الەم, ەۋروپا چەمپيونى, چەمپيوندار ليگاسىنىڭ جەڭىمپازدارى, كوپتەگەن اتاقتى كلۋبتاردىڭ بەلگىلى ويىنشىلارى قاتىستى. فۋتبول كارەرالارىنىڭ اياقتالعانىنا قاراماستان ولارعا دەگەن جانكۇيەرلەردىڭ قىزىعۋشىلىعى ەش تومەندەمەگەن ەمەس. ال مۇنداي فورماتتا وتەتىن تۋرنيردە قىزۋ قارقىنداعى ويىندار مىندەتتى تۇردە بولادى», - دەپ اتاپ ءوتتى ول.
كۋريەۆتىڭ سوزىنە قاراعاندا, سوڭعى اڭىزدار كۋبوگىندا ورتا ەسەپپەن ءبىر ويىندا 14 گولدان سوعىلعان ەكەن.
«ۇلكەن فۋتبول مەيرامى وتەيىن دەپ وتىر. مەن تەك فەدەراتسيا پرەزيدەنتى عانا ەمەس, فۋتبول ارداگەرى رەتىندە دە قازاقستاندا «EXPO 2017» كەزىندە وسىنداي اڭىزدار ءتۋرنيرىنىڭ ۇيىمداستىرىلاتىنىنا قۋانىشتىمىن. شارا جوعارى دەڭگەيدە وتەدى, ال ءبىز ادەمى ويىنداردىڭ كۋاسى بولامىز دەپ ويلايمىن», - دەپ مالىمدەدى قازاقستان فۋتبول فەدەراتسياسىنىڭ پرەزيدەنتى سەيدىلدا بايشاقوۆ.
بۇل جازدىڭ باستى سپورت شاراسىنا EXPO-2017 حالىقارالىق كورمەسىنىڭ رەسمي سايتىنان نەمەسە كاسسالارىنان بيلەت ساتىپ الىپ, قاتىسۋعا بولادى. قۇنى – 2000 تەڭگە. بيلەتتى ونلاين ساتىپ الۋ ءۇشىن tickets.expo2017astana.com سايتىنا كىرىپ, «مادەني باعدارلاما» بولىمىنە ءوتىپ, ءوزىڭىز تاماشالاعىڭىز كەلەتىن ويىن كۇنى مەن ستاديونداعى سەكتوردى تاڭداۋ كەرەك. فۋتبول ءتۋرنيرىنىڭ بيلەتتەرى بەلگىلى ءبىر ورىندى ەمەس, سەكتوردى عانا كورسەتەتىنىن ايتا كەتۋ قاجەت.