ماڭعىستاۋ وبلىسىندا اۋىز سۋ ماسەلەسى وزەكتى. سوندىقتان, بۇل ماسەلەنى شەشۋدىڭ بىردەن ءبىر جولى – سۋ تۇششىتۋ زاۋىتىن سالۋ. سول سەبەپتى, بۇگىن وڭىرگە رەسمي ساپارمەن «BeltWay Group Limited» كومپانياسىنىڭ ديرەكتورى ءالي موحاماد پەن «استانا قىزمەت-كز» جشس ديرەكتورى بولات ىدىرىسباەۆ, «SafBon Water Service (Holding) Inc.» مەكەمەسىنىڭ باس مەنەدجەرى ۆانگ كسيان كەلدى. ولار ماڭعىستاۋ وبلىسىندا سۋ سۇششىتۋ زاۋىتىن سالۋدى كوزدەيدى. سوندىقتان, ارنايى جوبا دايىنداپ, وبلىس اكىمى ەرالى توعجانوۆقا جانە جيىنعا قاتىسۋشىلارعا تانىستىردى, دەپ حابارلادى ماڭعىستاۋ وبلىسى اكىمىنىڭ ءباسپاسوز قىزمەتى.
«BeltWay Group Limited» كومپانياسى 1995 جىلى شانحايدا قۇرىلىپ, بۇگىندە الەمدىك دەڭگەيدە, ءتۇرلى سالا بويىنشا قىزمەت كورسەتىپ جۇرگەن «BeltWay Group Limited» كومپانياسىنىڭ ديرەكتورى ءالي موحاماد جوبانى ىسكە اسىرىپ, ەڭ وزىق تەحنولوگيانى پايدالانۋعا دايىن ەكەنىن جەتكىزدى. جوسپار بويىنشا زاۋىت قۇرىق اۋىلىنان 22 شاقىرىم جەردە ورنالاسادى. قورەك كوزى رەتىندە گاز-تۋربينالىق ەلەكتر ستانتسياسى پايدالانىلادى. قۋاتتىلىعى كۇنىنە 80 مىڭ كۋب مەتر جانە بولاشاقتا ونىڭ قۋاتتىلىعى ارتا تۇسپەك. تۇششىتىلعان سۋمەن «وزەنمۇنايگاز» اق, جەتىباي, قۇرىق اۋىلدارى مەن اقتاۋ, جاڭاوزەن قالالارىن قامتاماسىز ەتىلمەك. سونىمەن قاتار, بۇل جوبا وڭىردە اۋىلشارۋاشىلىعى سالاسىن دامىتۋعا تىڭ سەرپىن بەرمەك.
جيىن سوڭىندا وبلىستىق اكىمدىك پەن كومپانيا اراسىندا ۇزاق مەرزىمدى جانە ءوزارا ءتيىمدى ىنتىماقتاستىق تۋرالى مەموراندۋمعا قول قويىلدى.
ءوڭىر باسشىسى ەرالى توعجانوۆ جوبانى دايىنداۋ جانە جۇزەگە اسىرۋ ماسەلەلەرىمەن اينالىساتىن جۇمىس توبىن قۇرۋدى تاپسىردى, دەلىنگەن ءباسپاسوز حابارلاماسىندا.
گۇلايىم شىنتەمىرقىزى,
ماڭعىستاۋ وبلىسى.
سۋرەتتى تۇسىرگەن سەرىك مايەمەروۆ.