سونداي-اق, جيىن بارىسىندا ءبىلىم بەرۋ سالاسىنىڭ سىبايلاس جەمقورلىققا بەيىم كەلەتىنى ايتىلدى. سونىڭ الدىن الۋ ماقساتىندا وقۋشىلارمەن تاربيە جۇمىسىن جۇرگىزەتىن «ادال ۇرپاق» كلۋبتارى قۇرىلىپ, مەملەكەتتىك گرانتقا قۇجات قابىلداۋ اۆتوماتتاندىرىلىپ, جوعارى وقۋ ورىندارىندا ءتۇسىندىرۋ جۇمىستارى اتقارىلعان. بىرنەشە جوعارى وقۋ ورىندارى ادالدىق قاعيداتىن قاتاڭ ۇستاناتىن ءبىلىم ورداسى رەتىندە «سىبايلاس جەمقورلىققا قارسى حارتياعا» قول قويدى.
ماجىلىسكە قاتىسۋشىلاردىڭ پىكىرىنشە, ەڭ اۋەلى سىبايلاس جەمقورلىقتىڭ ەكونوميكالىق نەگىزدەرىن جويىپ, بيۋدجەت قارجىسىن پايدالانۋعا, مەملەكەتتىك ساتىپ الۋعا, مەملەكەتتىك م ۇلىكتى قولدانۋدى باقىلاۋدى كۇشەيتۋ, اكادەميالىق ادالدىق نەگىزدەرىن ەنگىزىپ, رۇقسات بەرۋ پروتسەدۋرالارىن قىسقارتىپ, جوو-لاردا ستۋدەنتتەرگە قىزمەت كورسەتۋ ورتالىقتارىن اشىپ, مەكتەپ جانە مەكتەپكە دەيىنگى تاربيە مەكەمەلەرى ديرەكتورلارىن كونكۋرستىق ىرىكتەۋ پروتسەدۋرالارىنىڭ اشىقتىعىن قامتاماسىز ەتۋ قاجەت. سونىمەن قاتار, مەكتەپ مۇعالىمدەرىنىڭ ساناتتار, قوسىمشا جۇكتەمە مەن وقۋ ساعاتىن الۋ بارىسىندا كەزدەسەتىن كەيبىر دەرەكتەر دە تالقىعا ءتۇستى.
سونداي-اق, جيىن بارىسىندا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى ۇيىتقى بولعان «ابىرويلى ۇستاز» جوباسىنىڭ تۇساۋى كەسىلدى. اتالعان جوبا شەڭبەرىندە ادالدىقتىڭ ۇلگىسى سانالعان ۇستازدار باعالى سىيلىقتارعا يە بولادى.
«ەگەمەن-اقپارات»