ساكەەۆ رۋسلان كەنەسارى ۇلى 1978 جىلى تۋىلعان. ءبىلىمى - جوعارى. زاڭگەر, قارجىگەر ماماندىقتارىنىڭ يەسى.
ەڭبەك جولىن 1999 جىلى مەملەكەتتىك قۇقىقتىق پاندەر بويىنشا وقىتۋشى قىزمەتىنەن باستاپ, 2002-2003 جىلدارى قر سەناتىنىڭ زاڭدىلىق جانە قۇقىقتىق رەفورما جونىندەگى كوميتەتىندە, 2003-2007 جىلدارى قاراعاندى وبلىسىندا ىشكى ساياسات, الەۋمەتتىك سالاسىندا, قر ادىلەت مينيسترلىگىندە باسشىلىق قىزمەتىندە, ۇكىمەت جانىنداعى «قازسات» باس ديرەكتورى, «اليانس بانك» اق دەپارتامەنت ديرەكتورى, دۇنيەجۇزىلىك بانكتىڭ توپ باسشىسى, جانە وبلىس اكىمىنىڭ كەڭەسشىسى قىزمەتتەرىن اتقارعان.
سونداي-اق, ماڭعىستاۋ وبلىسى اكىمى ءباسپاسوز قىزمەتىنىڭ حابارلاۋىنشا, ماڭعىستاۋ وبلىسى اكىمىنىڭ الەۋمەتتىك سالا بويىنشا ورىنباسارى بولىپ سقاقوۆ ماقسات نۇرلىبەك ۇلى تاعايىندالعان.
سقاقوۆ ماقسات نۇرلىبەك ۇلى 1978 جىلى تۋىلعان. ءبىلىمى - جوعارى. «تاريح, قۇقىق جانە ەكونوميكا نەگىزدەرى», «مەملەكەتتىك جانە جەرگىلىكتى باسقارۋ» ماماندىقتارى بويىنشا بىتىرگەن. «بولاشاق» باعدارلاماسىمەن ءبىلىم العان. فيلوسوفيا جانە ەكونوميكا عىلىمدارىنىڭ دوكتورى. ەڭبەك جولىن 2000 جىلى قر ىشكى ىستەر ورگانىنان باستاپ, قر پرەزيدەنتىنىڭ كۇزەت قىزمەتىندە, ۇلتتىق قاۋىپسىزدىك كوميتەتىندە, قر مادەنيەت, ءبىلىم جانە عىلىم مينيسترلىكتەرىندە, قر پرەمەر-ءمينيسترىنىڭ كەڭەسشىسى, قر مادەنيەت جانە اقپارات مينيسترلىگىنىڭ تىلدەر كوميتەتىنىڭ توراعاسى قىزمەتىن اتقارعان. 2016 جىلدان باستاپ قازىرگى ۋاقىتقا دەيىن قر باس پروكۋرورىنىڭ ەرەكشە ماڭىزدى تاپسىرمالارى بويىنشا اعا كومەكشى قىزمەتىندە بولعان.
گۇلايىم شىنتەمىرقىزى,
ماڭعىستاۋ وبلىسى