الماتى وبلىسى اكىمىنىڭ ورىنباسارى جاقسىلىق ومار باستاعان جەتىسۋلىق دەلەگاتسيا بەلگيادا بولىپ, قاتەرلى ىسىكتى دياگنوستيكالاۋ مەن ەمدەۋدە وزىق ۇلگىدەگى قۇرال-جابدىقتاردى قولدانىپ وتىرعان الدىڭعى قاتارلى مەديتسينالىق ورتالىقتاردىڭ تاجىريبەسىمەن تانىستى.
ساپار اياسىندا تالدىقورعان قالاسىندا مەملەكەتتىك-جەكەمەنشىك سەرىكتەستىك نەگىزىندە پروتون ورتالىعىن قۇرۋ جونىندەگى IBA ترانسۇلتتىق كومپانياسىمەن نيەت حاتتاماسىنا قول قويىلدى.
قازاقستاندا تەڭدەسى جوق بۇل جوبانىڭ الدىن الا ەسەپتەۋ بويىنشا قۇنى 60 ميلليون ەۋرو دەپ بەلگىلەنىپ وتىر.
IBA كومپانياسى قاتەرلى ىسىكتى دياگنوستيكالاۋ مەن ەمدەۋدىڭ جوعارى تەحنولوگيالىق قۇرال-جابدىقتارىن شىعارادى, ءارى پروتوندىق تەراپيا سالاسىندا الەم بويىنشا كوشباسشى سانالادى. ونكولوگيانى ەمدەۋدىڭ وسى ۋلترازاماناۋي ءتاسىلىن دامىتا وتىرىپ جانە راديوفارمپرەپاراتتار وندىرىسىنە باعىتتالعان شەشىمدەر ازىرلەي وتىرىپ, IBA كومپانياسى ونكولوگيالىق ورتالىقتاردى جوعارى ساپاداعى قىزمەتپەن جانە قۇرالدارمەن قامتاماسىز ەتەدى, وزىق ۇلگىدەگى كەشەندى شەشىمدەر ۇسىنادى.