مەكتەپ باعدارلاماسىنىڭ 5 سىنىپتارىنان باستاپ ەنگىزىلگەلى وتىرعان جاڭا ءپاندى وقۋشىلار قوسىمشا ءبىلىم, ياعني فاكۋلتاتيۆ ساباق رەتىندە يگەرمەك. بۇل جونىندە وبلىس اكىمىنىڭ قاتىسۋىمەن وتكەن جيىندا ءبىلىم باسقارماسىنىڭ باسشىسى ءباتيما داۋموۆا مالىمدەدى, دەپ حابارلايدى Baq.kz اگەنتتىگى.
«بۇل ءپان بىلتىرعى وقۋ جىلىندا قوستاناي قالاسىنداعى № 1 مەكتەپ گيگيەناسىندا سىناق رەتىندە وقىتىلدى. وقىتۋ ءۇردىسى بارىسىندا وقۋشىلاردىڭ ۇلكەن قىزىعۋشىلىعىنا يە بولدى. سوندىقتان بيىلدان باستاپ بۇل ءپاندى بارلىق مەكتەپتە وقىتۋ تۋرالى شەشىم قابىلدادىق», – دەيدى ءباتيما داۋموۆا.
«ولەكتانۋ» ءپانى ارقىلى وقۋشىلار قوستاناي وبلىسىنىڭ تاريحىمەن, ءوڭىردىڭ وركەندەۋىنە ۇلەس قوسقان تۇلعالار مەن زيالى قاۋىم وكىلدەرىمەن جان-جاقتى تانىسادى.
«وسى ءپاندى وقىتۋ كەزىندە جوعارىدا ايتىلعان تۇلعالاردىڭ ومىرىنە عانا توقتالماي, مەكتەپتەردىڭ تانىمال شاكىرتتەرىمەن جۇزدەسۋلەردى ءجيى وتكىزۋ كەرەك. ونىڭ سىرتىندا مەكتەپ پەن تۇلەكتەردىڭ اراسىنداعى جاقسى قارىم-قاتىناستى دا بايانداپ وتىرۋ كەرەك. مىسالى, قر پرالامەنتى سەناتىنىڭ دەپۋتاتى سەرىك بەكتۇرعانوۆ ءوزى ءبىلىم العان № 115 ورتا مەكتەپپەن جاقسى قارىم-قاتىناس ورناتقان. مەكتەپتە ۇزدىك وقيتىن شاكىرتتەرگە ءوزىنىڭ ستيپەندياسىن تاعايىنداپ وتىر», – دەيدى وبلىس اكىمى ارحيمەد مۇحامبەتوۆ.